BoC sa Sugbo mobawi sa `Malacañang’

Friday, July 30, 2010

GITINGUHA karon nga bawion sa Bureau of Customs sa Sugbo ang edipisyo sa Malacanang sa Sugbo nga ila kanhing gipanag-iya.

Ang edipisyo iya gyod sa BOC apan sa panahon ni kanhi Presidente Gloria Arroyo gikuha kini ug gihimong puy-anan sa presidente kon moanhi sa Sugbo.

Have something to report? Tell us in text, photos or videos.

Updates on President Benigno Aquino III's presidency

Si Commissioner Angelito Alvarez niingon nga ilang tan-awon kon unsay gihimong basihanan nga ang building gihimong Malakanyang sa Sugbo.

Hinuon sigun sa iyang nasayran adunay executive order nga giluwatan si Arroyo. Hinungdan nga iyang pakig-estoryahan ang Secretary of Finance ug uban pang ahensya sa gobiyerno aron pagbawi sa maong building.

Nagkaestorya usab sila ni Mayor Micheal Rama ug aduna usay gipahibawo ang mayor nga kaayohan sa ilang buhatan.

Samtang gihimakak usab ni Alvarez ang nanggawas nga report sa kaulohan nga aduna siyay kamandoan nga kuhaan og mga hunos ang lamesa sa mga empleyado sa Customs aron malikayan ang mga suborno.Iyang gipasabot nga di kini iyang prayoridad.

Nidugang si Alvarez nga usa sa iyang tinguha mao gyod ang paggukod niadtong mga smuggler sa nasud ilabi niadtong mga tigpayuhot og bugas nga mao karoy isyu nga nagtipun-og ang bugas sa National Food Authority (NFA).

Gipasigarbo sa BoC Cebu nga nakaigo na sila sa ilang target karong buwana ug nisubra pa.  Ang Customs dinhi nagsaulog sa ika-124 nga anibersaryo diin ang dinapit mao si Alvarez.