CAFC di kontra sa CFA: Quisido
Saturday, March 20, 2010
More Sections
SA pasangil nga dili maayo ug sagol anomaliya nga pagdumala sa Cebu Football Association (CFA), hayan nangusog ang Cebu Amateur Football Club (CAFC) sa paghimo’g lakang aron tabangan ang football players ug coaches sa Sugbo sa ilang panginahanglanon.
Mao kini ang giklaro ni Glenn Quisido, presidente sa CAFC, usa ka non-profit organization kansang tinguha ug tumong mao ang pagpalambo sa duwang football sa Sugbo.
Have something to report? Tell us in text, photos or videos.
Gipasabot ni Quisido nga wala sila mohimo’g lakang aron makigkompetisyon sa CFA, ang ilaha ra gyud mao ang pagtabang sa mga magduduwa hilabi na sa grassroots level.
Click here for Election 2010 updates
“Nagpatabang man gud ni nato ang athletes ug coaches tungod sa mga anomaliya sa CFA. Nigasto na sila with their own pocket kay wala na man sila’y nadawat nga allowance from CFA,” matod ni Quisido sa usa ka press conference sa miaging gabii sa Casino Español.
Iyang giingon nga o nga wala’y kasayuran ang CFA sa ilang gibuhat apan iyang gitino nga wala gyud sila’y negatibong intensyon.
“Mo-support man sab gihapon mi sa CFA, sa athletes ug coaches kon unsa’y ilang need. Willing mi mo-support financially. Kon masuko sila nga motabang mi nila, naa ra na nila,” dugang ni Quisido.
Gisuwayan pagkontak ning mantalaan pinaagi sa landline si CFA president Richard Montayre apan wala kini sa iyang opisina ug wala sab mihatag og cellphone number ang mitubag sa pikas linya.
Sa laing bahin, hugot nang gipangandaman sa CAFC ang ilang giorganisar nga 10th National Interclub Football Cup nga gikatakdang sugdan karong Abril 24 sa managlahing venues dinhi sa Sugbo.
Ang usa ka semana nga torneyo, nga gilangkuban og walo ka mga kategoriya, mogamit og tulo ka venues. Kini mao ang University of San Carlos-Talamban, San Roque Parish Football Field sa Mandaue City, ug PAREF Springdale Football Field sa Lahug, Cebu City.
Mopasiugda sab sila og football training camp sa umaabot nga mga adlaw.
