Cavs hari sa CD

Thursday, March 18, 2010

SA ikatulong sunodsunod nga higayon, gilangkat sa Cleveland Cavaliers ang titulo sa Central Division sa NBA pinaagi sa pagkulit og 99-94 nga kadaugan batok sa Indiana Pacers kagahapon.

Si LeBron James miyagyag og 32 puntos, siyam ka rebounds ug siyam ka assists alang sa ilang 54-15 nga record ug maoy unang team sa karon nga season nga miangkon og division title.

Have something to report? Tell us in text, photos or videos.

Click here for Election 2010 updates

Human matapwas ang 18 puntos nga labaw sa Cleveland ngadto sa usa ka puntos na lang, si James, sa katapusang kuwatro minutos, nipabuto og unom ka puntos, duha ka blocks ug duha ka steals.

Lakip sa maong rally mao ang iyang hansak human makadawat og alley-oop pass gikan ni Anderson Varejao.

Sa laing duwa, nipakli og 27 puntos si Caron Butler, 26 usab ang nahipos ni Dirk Nowitzki ug 10 ka sunodsunod nga puntos ang gihimo ni J.J. Barea sa dihang sikit na kaayo ang kombati aron ituboy ang Dallas Mavericks ngadto sa 113-106 nga kadaugan.

Ang Dallas nakapahuway og tulo ka adlaw human makarehistro og 13 ka sunodsunod nga kadaugan human moyukbo sa New York pinaagi sa 34 puntos nga kapildihan.

Ang Bobcats yanong mipahilom sa Thunder, 100-92, nga maoy naglihi sa unang adlaw sa pagpanag-iya Michael Jordan sa maong team.

Pipila ka oras human giaprobahan sa NBA Board of Governors ang pagpalit ni Jordan sa maong team sa kantidad nga $275 million, siya nitan-aw gilayon sa kulbahinam nga kadaugan sa Bobcats.

Natupnga ni Stephen Graham ang iyang 19 puntos nga season high ug kadto maoy ikapito nga kadaugan sa uwahing walo ka duwa nahisgutang team.

Ang Houston Rockets misulbong usab og maayo human nila mapukan ang Memphis Grizzlies, 107-94, ug giwasakwasak sa Orlando Magic ang San Antonio Spurs, 110-84.

Nagkumboya usab sila si Paul Pierce ug Kevin Garnett aron ihatod ang Boston Celtics ngadto sa 109-97 nga kalampusan. Si Pierce nirehistro og 29 puntos, samtang si Garnett miyagyag og 22. Ang Jazz yaon rausab nga mipakuratsa sa Timberwolves, 122-100, ug munasa ginhawang gipatugdong sa Raptors ang Atlanta Hawks.

Ang Warriors maisugong nga nibuntog sa Hornets, 131-121; gigisi-gisi usab og maayo sa 76ers ang Nets, 108-97. Gilupig sa Clippers ang Bucks, 101-93.