Cebu Niños nakauna sa TOP semi-finals
Wednesday, September 1, 2010
More Sections
GIPASUTOY sa M. Lhuillier Kwarta Padala-Cebu Niños ang ilang opensa sa 2nd quarter aron ilampaso ang Treston Laguna Stallions, 101-84, sa miaging gabii sa Game 1 sa ilang best-of-three semi-finals series sa Tour-nament of the Philippines (TOP) sa Cebu Colisuem.
Ang Niños ni coach Raul “Yayoy” Alcoseba igo lang naglabaw og pito ka puntos human sa 1st quarter.
Have something to report? Tell us in text, photos or videos.
Updates on President Benigno Aquino III's presidency
Apan sa 2nd quarter, nagbangis na gyud og maayo ang Niños aron sugdan paglubong nga buhi ang Stallions sa pagpangulo nila ni Ariel Mepaña, Stephen Padilla ug Ian Saladaga.
Hinayhinay nga ning-gukod ang Stallions apan ang labing duol ra gyud nga ilang nahimo mao ang 55-65 nga alkanse.
Human niadto, ning-bulhot na sab ang opensa sa Niños aron inaton pagbalik ang ilang labaw, 91-71, ug gikan niadto, wala na sila molingi pag-usab.
Gipangulohan ni Mepaña ang kadaugan pinaagi sa iyang 16 pun-tos, nihatag og 14 puntos si Padilla samtang niamot og 13 puntos si Saladaga.
Ning pagsuwat, pada-yon pang nagsangka ang duha ka mga kampo sa Game 2 sa samang venue diin inilog gyud gihapon ang Niños.
