CEC Dragons no.1
Saturday, September 4, 2010
More Sections
Mga duwa karon
3:00 pm- USPF batok USC (jrs)
4:30 pm- USJ-R batok UV (jrs)
6:00 pm- CIT batok SWU (jrs)
PORMAL nang naku-ha sa Cebu Eastern College (CEC) Dragons ang no.1 nga puwesto human nila gihuman ang ilang tahas sa eliminasyon pinaagi sa paglampornas sa Don Bosco Technological Cen-ter (DBTC) Baby Grey-wolves, 115-63, kagaha-pon sa Cebu Schools Athletic Foundation Inc. (CESAFI) high school division sa Cebu Coliseum.
Have something to report? Tell us in text, photos or videos.
Updates on President Benigno Aquino III's presidency
Ang Baby Dragons, nga maoy kulatahunong team sa miaging tuig apan nagpalig-on og puwersa karon, ningpatigbabaw dala ang 7-1 nga baraha samtang ang Baby Grey-wolves wa gyu’y nadag-an sulod sa walo ka mga duwa ug maoy labing unang nanamilit.
Sa pagsugod pa lang, wala na gyud dudahi nga makmakon gyud sa Dra-gons ang Baby Greywolves.
Sayo kaayong ning-bugwak og kayo ang Dragons ug ningposte dayon kini’g 24-8 nga labaw sa pagpangulo nila ni Roy Villarias, Nike Montalvo ug BJ Zosa.
Human niadto, pada-yong nagsaka ang labaw sa Dragons hangtod nga ila na gyud nalubong og taga liog ang Baby Grey-wolves.
Si Villarias nihipos og 27 puntos alang sa kadaugan, nidugang og 24 si Montalvo samtang niamot og 21 si Zosa.
Ang Dragons makig-harong sa University of San Jose Recoletos (USJ-R) Baby Jaguars sa quarter-finals diin adunay twice-to-beat nga bintaha ang top four teams.
Sa laing duwa, ang University of San Carlos (USC) Baby Warriors mipukan sa Cebu Institute of Technology (CIT) Wild-kittens, 78-61.
