Clottey knockout sab ang tuyo
Wednesday, March 10, 2010
More Sections
MIBAWOS ang trainer ni Joshua Clottey nga si Lenny De Jesus sa pagbuhi og knockout nga prediksyon kabahin sa pag-challenge sa iyang batos kang World Boxing Organization (WBO) welterweight champion Manny Pacquiao karong Dominggo sa Dallas Cowboys.
Hinuon dili sama sa trainer ni Pacquiao nga si Freddie Roach, kinsa nihatag og mas tukmang prediksyon nga unom ra ka rounds kutob si Clottey, si De Jesus wala mitagna kon unsa nga round matikangkang ang Pinoy 7-time world champion.
Have something to report? Tell us in text, photos or videos.
"The Manny Pacquiao Blog". Click here for stories and updates on the Filipino boxing champ.
“We’ll hit him right, knock him out, and win the fight,” matod pa ni De Jesus sa usa ka artikulo nga nakuha sa www.abs-cbnnews.com.
Si De Jesus, kinsa miingon nga sayod siya sa yawe kon unsaon pagpildi si Pacquiao, masaligon gyud kaayo sa iyang gipanulti.
Suweto na sab gyud hinuon si De Jesus sa abilidad ni Pacquiao kay nahimo man siyang cutman sa Pinoy boxing superstar niadtong 2003 hangtod 2005.
Giangkon ni Clottey nga abtik gyud kaayo si Pacquiao apan iyang gitataw nga dili kini magsilbi sa iyang abilidad.
“Mannny Pacquiao is very fast. But the only thing is he hasn’t fought me before. I will prove him wrong,” matod ni Clottey.
“I have a good chin. We (African fighters) take a lot of punches, but I have a good chin! I never expect myself to get in the ring to get knocked out, I never expect that, no,” asoy ni Clottey sa interbyu sa www.fightnews.com.
Sa laing bahin, nakahalin na og 41,000 sa 45,000 ka mga tiket nga gireserba ang promosyon nga gitawag og “The Event”.
Ang 45,000 ka mga tiket nga gireserba wala ra man tuod nakatunga sa kapasidad sa Cowboys Stadium apan dako na gyud kaayo kini alang sa usa ka boxing event.
Ang Cowboys Stadium, nga nagbalor og $1.2 bilyunes, maoy homecourt sa Dallas Cowboys alang sa National Football League (NFL).
“This is going to be big time,” matod sa tag-iya sa Cowboys Stadium nga si Jerry Jones. “I’m going to over-deliver what it means to (fans) to be involved in this stadium. ... That does enhance the competition, help the sport. You’re not going to need any incentive to get these fighters to compete.” AP
