Clottey yanuhon ra pagpildi ni Pacman
Saturday, March 13, 2010
More Sections
SA panahom ni boxing legend Oscar De La Hoya, yano rang lupigon ni pound-for-pound champion Manny Pacquiao si Ghanaian Joshue Clottey sa ilang panagharong karong buntag sa Dallas Cowboys Stadium sa Texas.
Si De La Hoya, kinsa niretiro sa boksing human sa iyang 8th round TKO nga kapildihan batok kang Pacquiao niadtong 2008, nagkanayon nga ang abilidad ni Pacquiao grabe ra gyud kaayo alang kang Clottey.
Have something to report? Tell us in text, photos or videos.
"The Manny Pacquiao Blog". Click here for stories and updates on the Filipino boxing champ.
Gipasabot ni De La Hoya nga ang nailhang taktika ni Clottey sa depensa dili gyud magsilbi sa abilidad ni Pacquiao.
“I think Manny Pacquiao will have an easy time with Joshua Clottey,” batbat ni De La Hoya sa interbyu sa Sky Sports.
“Styles make fights, and his [Clottey’s] defense is one where he blocks punches, then he has to bring his hands down to look at you and then throw punches. Manny is too fast to stay there in the pocket and receive punches.”
Nagtuo si De La Hoya nga moataki gyud og maayo si Clottey apan dili niya madakpan si Pacquiao tungod sa kaidlas sa Pinoyng mosayaw-sayaw sa isi'g ka kilid.
Unya gitataw ni De La Hoya nga abtik sab gyud kaayong mobuhi’g makuso’g nga kumo si Pacquiao kon sa higayon nga makakita kini’g buslot sa depensa sa kontra.
“I believe he [Pacquiao] will hit him then move side-to-side. Clottey will look for him, but he’s not going to be there. He is going to do the same thing for 12 rounds. It’s probably going to be an easy fight for him,” dugang ni De La Hoya.
