MIAPIL ang beteranong eksperto sa boksing nga si Moy Lainez sa ninghatag og panahom kon pila ka rounds tumbahon ni pound-for-pound champion Manny Pacquiao si WBO welterweight champion Miguel Cotto karong Nobiyembre 14 sa MGM Grand sa Las Vegas, USA.

Alang kang Lainez, kinsa apil sa orihinal nga sakop sa Team Pacquiao, nga mahitabo ang iyang panahom sulod sa lima ka rounds.

“Ako tingin ko talaga mananalo si Manny. Kung ako ang pupusta, within rounds 1 to 5, baka diyan bumagsak si Cotto,” matod ni Lainez sa interbyu sa www.gmanews.tv.

Sun.Star accepts donations for victims of Typhoon Ondoy

Si Lainez usa sa mga nasuweto na sab gyud kaayo kang Pacquiao. Kauban siya nila ni anhing Rod Nazario ug Lito Mondejar sa orihinal nga Team Pacquiao.

Sila mao ang responsable sa pagkatukod sa senemanang boxing show nga “Blow by Blow” diin nagsugod ang pagpamoksing ni Pacquiao.

Sa sayo pa, nipabuhagay nang daan ang American trainer ni Pacquiao nga si Freddie Roach nga sama kang Ricky Hatton, sayong tumbahon ni Pacquiao si Cotto.

Gani nagkanayon si Roach nga andam siyang mosugal og $1,000 nga tumbahon ni Pacquiao si Cotto sulod lang sa 1st round.

“Naniniwala ako na may posibilidad pa yun. Hindi malayong maging Hatton yan,” pagsuporta ni Lainez sa panahom ni Roach.

“Malaking factor `yung bilis ng kamay at suntok ni Pacquiao. Bibitaw yan, 1-2-3-4. Bago maka-react si Cotto, wala na agad si Manny.

“At tsaka sa welterweight, sa tingin ko mabagal si Cotto.”

Alang kang Lainez, lahi na gyud kaayo ang away ni Cotto human naangkon niini ang labing unang kapildihan – 11th round TKO batok kang Mexican Antonio Margarito sa miaging tuig.

“Si Cotto nag-deteriorate na after nung laban na yun. Parang takot ng matamaan,” dugang ni Lainez.

Sa labing ulahing away ni Cotto diin midaog siya batok kang Joshua Clottey, alang kang Lainez nga si Clottey gyud unta ang angayan niadtong awaya.

“Tingin ko nga panalo pa si Clottey doon. Binigay na lang kay Cotto dahil nga para maikasa itong laban kay Pacquiao,” batbat ni Lainez.