Cuenco moapelar sa Comelec

Saturday, February 6, 2010

MASALIGON si kanhi Cebu City councilor Ronald Cuenco nga mabalik siya sa listahan sa mga kandidato alang sa May 10 election human sa iya unyang pag-apelar.

Si Cuenco nga nilansar pagka-konsehal sa south district sa siyudad sa Sugbo ubos sa Bando Osmeña Pundok Kauswagan (BOPK) gipasakaan og disqualification case sa laing kandidatong si Rajeni Dy uban kang First Lady Margot Osmena tungod kay mga green card holder kini.

Have something to report? Tell us in text, photos or videos.

Click here for stories and updates on the Sinulog 2010 Festival.

Usa sa qualification nga gilatid sa Comelec alang sa mga kandidato nga kinahanglang mga Filipino citizen.

Sa miaging adlaw, nipagawas og hukom ang Comelec nga nagtugot kang Osmena nga padayong makadagan kay nakapamatuod kini nga iya nang gi-abandonar ang iyang green card.

Apan gi-disqualify gyud si Cuenco kay napakyas siya pagpresentar og ebidensiya nga iya sang gi-denounce ang iyang US citizenship.

Ang Comelec niingon nga ang gi-submit lang ni Cuenco mao ang iyang application nga iya nang buhian ang iyang green card ug kini giduso niadto pang Nobyembre sa niaging tuig.

Kon kuwentahon, wa pa usab kini, moabot og usa ka tuig maong di gihapon mo-qualify si Cuenco kay ang mga kandidato kinahanglang nagpuyo sa nasod di mominos usa ka tuig sa di pa ang piniliay.

Apan si Cuenco sa interview sa CCTN kagahapon sa buntag, niingon nga ang kaso nga gisang-at batok kaniya nagpresentar lang sa kopya sa ilang certificate of candidacy isip ebidensiya nga siya green card holder.

Wa giapil og kuwestiyon niini ang one-year residency nga rekisitos maong ang iya rang naduso nga ebidensiya pagmatuod nga gipili niya ang Filipino citizenship
mao ang iyang aplikasyon sa pag-denounce sa green card.

Apan bisan kon sa niaging tuig pa siya ni-file og application, matod ni Cuenco nga di kini basehanan nga wa siya kaabot og usa ka tuig og puyo sa nasod kay kapila man usab siya magbalik-balik dinhi ug gani nakaparehistro pa siya niadtong 2008.

Kini maoy nagmatuod, matod ni Cuenco, nga bisan kon didto siya nagpuyo sa Estados Unidos, duna gyud siyay intensiyon nga magpabilin og puyo sa nasod.

Kon mausab ang hukom sa Comelec, giangkon ni Cuenco nga makaapekto gyud kini sa iyang kandidatura kay maglibog man unya ang mga botante kon hingpit na ba gyud siyang nawagtang sa line-up.

Apan matod ni Cuenco nga iya na lang doblehon ang iyang mga paningkamot sa kampanya ug pagpasabot sa mga botante atol sa ilang himuong mga pulong-pulong. (CPL)