PAREHONG dili mga inilog ang nakasulod sa finals sa Class D division sa 2009 Sun.Star Superbalit 9-Ball Challenge kagahapon sa Elizabeth Mall Activity Center.

Gipangtumbok mao sila si PJ Benologa ug Abraham Rojo, nga ningpakaging gyud sa ilang mga kaatbang gikan pa sa sinugdanan sa kompetisyon.

"The Manny Pacquiao Blog". Click here for stories and updates on the Filipino boxing champ.

Si Benologa nakasulod sa finals pinaagi sa pagbuntog kang Alfred Papa, 9-1.

Samtang si Rojo yanong nilampornas kang William Chua, 9-3, sa laing semis nga engkuwentro.

“Wala gyu’y nagdahom nga kini silang duha ang makasulod sa finals,” matod ni Dikoy Ramirez, usa sa mga gipiyalan sa pagpadagan sa torneyo.

Ang finals ipahigayon karong Nobiyembre 15 sa samang venue dungan sa finals sa ubang mga kategoriya.

Ang ubang mga kategoriya mao ang Elementary, High School, ug Class A.

Sa laing bahin, sugdan na ugmang adlawa ang labing gikaintapang dinumbolay sa Class A division.

Si Gundy “YangYang” Valle mobalik og duwa aron depensaan ang iyang korona.

Dul-an sa P300,000 ang kinatibuk-ang ganti sa torneyo, nga maoy labing dako sa Visayas ug Mindanao.