Di na gyud mahitabo

Tuesday, September 7, 2010

KUMBENSIDO na si American trainer Freddie Roach nga dili na gyud mahitabo ang gihandom nga away nila ni pound-for-pound champion Manny Pacquiao ug Floyd Mayweather Jr.

Kaduha na napalpak ang negusasyon kabahin ning awaya ug kaduha na sab naahat pagpangita og laing kontra si Pacquiao: sila si Puerto Rican Miguel Cotto ug Mexican Antonio Margarito.

Have something to report? Tell us in text, photos or videos.

Updates on President Benigno Aquino III's presidency

Dihang gipangutana mismo sa www.boxingscene.com si Roach kabahin kon naglaom pa ba siyang mahitabo ang labing dakong away sa kasaysayan, dako kaayong “No” ang tubag ni Roach.

Nagtuo si Roach nga hadlok gyud si Mayweather (41-0, 25KOs) nga mabulingan ang iyang limpiyong rekord aron padayon siyang makadebate nga siya maoy labing maayong boksidor sa kasaysayan.

“He wants to keep the zero on his record so he can argue that he’s the best fighter in the world. So he can say that he’s better than Sugar Ray Robinson,” matod ni Roach.

“As long as he has that zero, he can make an argument, but once that zero is gone – the argument is over.”

Nagkanayon si Roach nga wala gyud siya nakasabot kon unsa’y sulod sa utok ni Mayweather nga unta pipila sa labing maayong mga boksidor sa kasaysayan nakatilaw man gyud og pilde.

“A loss is a part of life. A loss can make you better.

Actually, it’s good to lose sometimes in our lives to improve ourselves, to get a wake up call,” dugang ni Roach.

Gisaway ni Roach nga gamay ra gyud kaayo seguro’g utok si Mayweather nga nagtuo kining mahimong labing maayong boksidor sa kasaysayan tungod sa limpiyong rekord niini.

“In Floyd’s little mind, he’s content with that zero. How can he say that he’s better than Sugar Ray Robinson at this point in his life?” batbat ni Roach.

Gikuwestiyon ni Roach ang kapabilidad ni Mayweather kay dili man kini makigharong sa labing maayong mga boksidor sa kalibutan sama ni Pacquiao.

Nidugang si Roach nga nahadlok sab si Mayweather nga makig-away kang Margarito, duha na ka mga tuig nga nakalabay.

Sa tan-aw ni Roach, iya rang suklan ang boksidor nga sa iyang tan-aw kaya kaayo niyang pildihon.