Digal mipahimangno sa tag-iyag tour bus nga di magpataka

Wednesday, September 1, 2010

GA driver sa tourist buses dinhi sa Sugbo gipahimangnoan sa pangulo sa kapulisan sa lalawigan sa Sugbo, Sr. Supt. Erson Digal, nga di gyud mopasakay ni bisan kinsang mga tawo nga mag-unipormi nga magpailang police o kaha military.

Kini maoy gipadayag ni Digal sa ingon malikay usab ang mga turista nga sakay sa maong mga tourist bus sa mga criminal o sama sa nahitabo sa pagpang- hostage ni Sr. Insp. Rolando Mendoza, kinsa nakaamong sa walo ka mga kinabuhi sa mga Chinese national.

Have something to report? Tell us in text, photos or videos.

Updates on President Benigno Aquino III's presidency

Matod pa ni Digal nga di gyud pasakyon ingon man hunongan kining mga tawo nga magpakaaron ingnon nga mohangyo nga mosakay sa mga tourist bus aron malikay sila sa piligro.

Samtang sutaon sa mga driver ang mga uniporme sa mga nagpailang police, o military nga nipatuman sa usa ka checkpoint.

Ang mga sakyanan niini susishon kon sa police ba gyud, apil na ang signage ug nga ang checkpoint wa gibutang sa mingaw nga mga dapit.

Iyang gisugyot sa kadagkuan sa Department of Tourism (DOT) sa Central Visayas nga ipadangat ang iyang mga sugyot ngadto sa mga tag-iyag mga travel and tour establishments ingon man tourist bus.

Matod pa ni Digal, nga angay gyud nga sa matag lakaw sa mga tourist bus, kon asa ang ilang destination gikinahangalang mo-coordinate sa kapulisan sa maong mga lugar isip kabahin sa ilang security measure.

Andam usab kaayo silang mohatag og seguridad sa mga turista kon dunay hangyo.

Apan iyang giklaro nga ang Sugbo usa ka malinawon nga dapit hinungdan nga di na angay pang mangahadlok ang mga turista nga gustong moanhi. (Guam P. Logroño)