Fr. Carmelo O. Diola, SSL
Mao Diay

Binase sa: Efeso 2:4-10; Juan 3:14-21

“Kay gihigugma pag-ayo sa Dios ang kalibutan sa ingon nga Iyang gihatag ang Iyang bugtong Anak, aron nga ang tanan nga mituo kaniya di mamatay, kondili makabaton og kinabuhing dayon.”

Nagpadayon ang atong pag-ampo, pag-puasa, ug paghimo sa maayong mga buhat sa panahon sa Kuwaresma.

Panagbenga 2009 blog

Ang gugma sa Dios nagpaluyo sa mga tanan natong mga maayong buhat. Kon wa pa nato kini matagamtami, walay kapuslanan kining tanan. Kawang lamang ang atong paglitok og mga pulong ngadto sa Dios, ang atong pagpuasa, ug ang atong pagtabang sa uban.

Gugma sa Dios. Lahi kini sa mga tawhanong gugma, bisan pa man kon ang Ginoo maoy naghatag og buhing lintunganay, sumbanan, ug sukaranan sa gugma sa tawo.

Kon sa tawhanong gugma adunay makuha ang naghigugma ug ang gihigugma, way makuha ang Dios sa Iyang paghigugma kanato. Hingpit na man ang Ginoo ug wa nay gikinahanglan. Pananglit, di tambal sa kamingaw ang pagmugna sa Ginoo sa kalibutan.

Gimugna sa Dios ang kalibutan ug ang tawo tungod lamang sa gugma.

Apan wala mohunong ang gugma sa Dios diha sa pagmugna sa tawo. Gipadala Niya ang Iyang bugtong Anak ug Iya kining gitahasan sa pag-ula sa iyang dugo alang tanan. Mibuhagay ang gugma diha sa midagayday nga dugo sa kiliran ni Jesus sa dihang nagbitay siya sa krus.

Ang hingpit nga batobalani sa gugma mao si Kristo diha sa krus: “Ug maingon nga gibayaw ni Moises ang halas didto sa kamingawan, sa ingon usab kinahanglan ibayaw ang Anak sa Tawo.”

Sa pagbayaw ni Kristo matuman ang mga pulong: “Sa panahon nga ibayaw ako gikan sa yuta, kabigon ko ang tanan ngari kanako.” Mamahimong batobalani sa gugma si Jesus diha sa krus.

Nagpadayon ang panginahanglan nato sa batobalani sa gugma nga mokabig sa tanan nga nagkatibulaag nga mga tawo sa atong nasod ug sa mga nagkalainlaing dapit sa kalibutan.

Karon pa man nagpadayon pa ang makaguol kaayo nga gubat didto sa Iraq. Ubay-ubay na ang mga nangamatay, lakip mga sibilyan, ug morag di dayon mahuman ang panagsangka. Diri sa ato nagpabilin ang hulga sa terorismo ug ginadiling drugas.

Pagkahuyang ug pagkagamay gayud sa tawo.

Mao kini ang kalibutan diin gipadala ang bugtong Anak sa Dios. Mao kini ang kalibutan nga gimahal sa Ginoo.

“Kay gihigugma pag-ayo sa Dios ang kalibutan sa ingon nga Iyang gihatag ang Iyang bugtong Anak, aron nga ang tanan nga mituo kaniya di mama-, kondili makabaton og kinabuhing dayon.”

Nagpadayon ang atong pag-ampo, pagpu-asa, ug paghimo sa maayong mga buhat sa panahon sa Kuwaresma.

Ang gugma sa Dios nagpaluyo sa mga tanan natong mga maayong buhat. Kon wa pa nato kini matagamtami, way kapuslanan kining tanan. Kawang lamang ang atong paglitok og mga pulong ngadto sa Dios, ang atong pagpuasa, ug ang atong pagtabang sa uban.

Gugma sa Dios. Lahi kini sa mga tawhanong gugma, bisan pa man kon ang Ginoo maoy naghatag og buhing lintunganay, sumbanan, ug sukaranan sa gugma sa tawo.

Kon sa tawhanong gugma adunay makuha ang naghigugma ug ang gihigugma, way makuha ang Dios sa Iyang paghigugma kanato. Hingpit na man ang Ginoo ug wa nay gikinahanglan. Pananglit, di tambal sa kamingaw ang pagmugna sa Ginoo sa kalibutan.

Gimugna sa Dios ang kalibutan ug ang tawo tungod lamang sa gugma.

Apan wa mohunong ang gugma sa Dios diha sa pagmugna sa tawo. Gipadala Niya ang Iyang bugtong Anak ug Iya kining gitahasan sa pag-ula sa iyang dugo alang kanatong tanan. Mibuhagay ang gugma diha sa midagayday nga dugo sa kiliran ni Jesus sa dihang nagbitay siya sa krus.

Ang hingpit nga batobalani sa gugma mao si Kristo diha sa krus: “Ug maingon nga gibayaw ni Moises ang halas didto sa kamingawan, sa ingon usab kinahanglan ibayaw ang Anak sa Tawo.”

Sa pagbayaw ni Kristo matuman ang mga pulong: “Sa panahon nga ibayaw ako gikan sa yuta, kabigon ko ang tanan ngari kanako.” Mamahimong batobalani sa gugma si Jesus diha sa krus.

Nagpadayon ang panginahanglan nato sa batobalani sa gugma nga mokabig sa tanan nga nagkatibulaag nga mga tawo sa atong nasod ug sa mga nagkalainlaing dapit sa kalibutan.

Karon pa man nagpadayon pa ang makaguol kaayo nga gubat didto sa Iraq. Ubay-ubay na ang mga nangamatay, lakip mga sibilyan, ug morag dili dayon mahuman ang panagsangka. Diri sa ato nagpabilin ang hulga sa terorismo ug ginadiling drogas.

Pagkahuyang ug pagkagamay usa tawo.

Mao kini ang kalibutan diin gipadala ang bugtong Anak sa Dios. Mao kini ang kalibutan nga gimahal sa Ginoo.