Fr. Carmelo O. Diola
Mao Diay

Binasi sa: Santiago 2:14-18; Marcos 8:27-35

Daghang mga butang nga gatugbang: taas ug mubo, puti ug itom, daot ug tambok, ug uban pa. Lakip niini ang saka ug kanaog ug ang pataas ug paubos.

Lahi ang padulngan sa pataas, lahi pod ang paubos. Moisa kita sa atong mga mata sa pagsubay sa mga butang nga pataas; moyukbo kita sa mga paubos. Daw madaugon kita kon pataas ang atong tan-aw; napildi ug nagsubo kon paubos.

For updates from around the country, follow Sun.Star on Twitter

Sa natad sa espiritu, ang tawo nga mapaub-sanon, ipataas. Ug ang mapahitas-on, ipaubos. Dili kini managsagol.

Nagkanayon si Jesus sa ebanghelyo niining adlawa: “Ug wala pay nakasaka ngadto sa langit gawas kaniya nga mikanaog gikan sa langit, ang Anak sa Tawo.” Diha kang Jesus nanagsagol ang saka ug kanaog, pataas ug paubos.

Kining pagsaka ug pagkanaog makaplagan usab sa libro sa Genesis, diha sa damgo ni Jacob diin adunay hagdanan nga naglambigit sa langit tali sa yuta. Pinaagi sa hagdanan nagsaka ug kanaog ang mga anghel, mga mensahero sa Dios.

Timailhan kining damgoha sa walay hunong nga lambigit tali sa Dios ug sa tawo nga puno sa mga Diosnong gasa. Gituman diha kang Jacob ang mga saad kang Abraham ug Isaac, sama sa yuta ug kaliwat nga dili maihap.

Diha kang Kristo diay mosaka ang mga pangandoy ug pag-ampo sa tawo ngadto sa Dios. Diha kaniya usab mokanaog ang mga tubag ....

Nalipay ug nataha si Jacob. Mitukod siya og alampoanan alang sa Dios ug nanaad siya. Nakata-gamtam siya sa kaayo sa Dios.

Nahingpit ang damgo ni Jacob diha ni Kristo. Diha sa kamatayon ug pagkabanhaw sa atong Manluluwas nahilambigit ang tawo ug Ginoo sa pamaagi nga dili gayod mabugto. Miingon si Jesus: “Ug ako, inigbayaw kanako gikan sa yuta, modani sa tanang tawo nganhi kanako.” Dad-on niya ang tanang katawhan ngadto sa Amahan.

Sa laing bahin, miingon usab siya: “Amen, amen, moingon ako kaninyo, makita ninyo nga moabri ang langit ug ang mga anghel sa Dios nga mosaka ug mokanaog diha sa Anak sa Tawo.“ Si Jesus na mismo ang hagdanan tali sa langit ug sa yuta.

Diha kang Kristo diay mosaka ang mga pangandoy ug pag-ampo sa tawo ngadto sa Dios. Diha kaniya usab mokanaog ang mga tubag sa maong pag-ampo.

Pagkanindot pamalandungan nga si Jesus maoy atong langitnong hagdanan! Diha sa pagtuo ug paglitok sa iyang ngalan, aduna kitay dili-mabugto-nga-kalambigitan sa Dios.

Mao kini ang gipasabot sa mga pulong: “Tungod kay gihigugma gayod sa Dios ang kalibutan nga gihatag Niya ang Iyang bugtong Anak.”

Natuman kini diha sa krus.