Doktor nga nag-injection batok influenza nasakit

Tuesday, August 24, 2010

DOKTOR sa rural health unit (RHU) – 3 sa dakbayan sa Talisay nga nangindiksyon og vaccine alang sa AH1-N1, natakboyan og Guillain Barre Syndrome ug nasud sa intensive care unit (ICU) sa pribadong tambalanan sa Cebu City.

Padayon karon nga giatiman sa mga mananambal sa Chong Hua Hospital si Dr. William Larida aron indiksyonan og anti bodies nga tag P45,000 ang matag vial.

Have something to report? Tell us in text, photos or videos.

* Updates on President Benigno Aquino III's presidency

Tungod niini, ang konseho sa dakbayan sa Talisay nigahin dayon og P350,000 aron itabang sa doctor nga nagkinahanglan og P180,000 aron igasto sa injection matag adlaw.

Si Konsehal Dennis Basillote nga uyoan ni Dr. Larida nipahibawo nga nagkinahanglan og upat ka vial matag adlaw ang pasyente aron i-injection.

Tungod sa kadako sa kantidad nga gikinahanglan, ang mga sakop sa konseho nagkauyon sa pagtabang sa doctor.

Si City Health Officer Lino Alanzado nitug-an sa interview sa Sun.Star Superbalita nga sa ilang pagduaw niadtong miaging adlaw kang Dr. Larida, makasulti na kini.

Niadtong Huwebes nireklamo si Dr. Larida nga naminhod ang iyang mga tiil ug maghuot ang iyang dughan ug lugos kining makaginhawa.

Nadala kini sa tambalanan niadtong Biyernes ug na-diagnose nga dunay guillain barre syndrome.

Nasud sa ICU si Dr. Larida kay wa na makalihok ug gisugdan sa paghatag og injection niadtong Dominggo.

Ang Guillain-Barré Syndrome usa ka disorder nga ang immune system sa lawas moatake sa peripheral nervous system.

Matod ni Alanzado nga talagsaon ra kaayo ang maong sakit og sa 100,000 ka mga tawo, duna usa nga makaangkon niini.(VLM)