NAMATAY ang usa ka habal-habal drayber ug samdan ang iyang backrider human sila gipamusil pasado alas 10 sa milabayng gabii sa sityo Maaslom, Barangay Busay, siyudad sa Sugbo.

Ang hapit nga panagbangga tali sa laing motorsiklo posibleng motibo sa pagpusil kang Gilbert Tudtud Jr., taga sityo Lamakon, Barangay Babag ning siyudad.

Sun.Star accepts donations for victims of Typhoon Ondoy

Siya nakaangkon og duha ka mga samad pinusilan sa iyang ulo.

Samtang ang nasamdan mao si Rodner Lemas, 24, taga Lahug, kinsa dunay lima ka mga samad sa nagkadaiyang parte sa lawas.

Si PO2 Michael Cudaste sa Homicide Section nagbutyag nga kusog nagpadagan sa ilang motorsiklo ang mga biktima hangtod nga diriyot nila maigo ang laing motorsiklo nga habal-habal nga gisakyan og duha ka mga tawo.

Sa kalagot sa nagmaneho sa motorsiklo, gigukod sila ug dihang naapsan gipamusil samtang nagdagan ang duha ka mga motorsiklo.

Nasarasay ug nangabunal diha daplin sa dalan ang bmga iktima.

Ang mga suspek daling nisibat human makita ang mga biktima nga nangatumba.

Bisan nasamdan, si Lemas daling nibiya sa dapit ug nangayo og pakitabang sa usa ka security guard sa subdivision nga mao nay nanawag sa kapulisan.

Matod ni Cudaste nga way laing gikabangi ang mga biktima, gawas lang sa motorsiklo nga diriyot nila madsasmagi. Siyam ka mga kabhang sa bala sa armas nga 9mm pistol ang napalgan sa dapit human sa hitabo. (JFT)