Drayber sa Corominas, pasakaan og kasong ‘reckless imprudence...’ karon

Pasakan og kasong reckless imprudence resulting to multiple homicides si Diosdado Requizo, 48, taga Libo, lungsod sa Tuburan, Sugbo nga drayber sa V&JA Corominas (GVG-145) karong adlawa.

Di mominos 5 ka pasahero ang nakalas og ka 48 ang nangaangol sa pagkabangga sa iyang gimanehong sakyanan sa niadtong Sabado sa hapon sa Barangay Lutopan, dakbayan sa Toledo.

Si PO3 Julius Sanchez, traffic investigator sa kapulisan sa Toledo nga nahinabi sa Sun. Star Superbalita, nagkanayon nga ilang isunod lang una ang kasong serious multiple injuries sanglit gi-una nila ang kaso sa nangamatay.

Si PO3 Sanchez nagkanayon nga ilahang gipaabot ang ubang mga kabanay sa mga naangol sanglit na-busy pa kini sa pag-atiman sa mga kabanay ning nangaangol nga nagpaalim pa sa nagkadaiyang tmabalanan sa dakbayan.

Subay niini gibutyag ni PO3 Sanchez, nga nigatibo sa liquor test ang driver nga si Requizo, human ilang gipaeksamin niadtong Sabado sa gabii human sa trahedya.

Gipahibalo usab niini nga human nila mapasakaan ug kaso karong adlawa si Requizo, mo-request unya sila sa ilang hepe nga si Chief Insp. Jovito Canlapan aron mapa-ubos kini sa drug test.

Sumala ni PO3 Sanchez nga kagahapon sa buntag si Jonathan Pepito ang representanti sa Corominas, kinsa naa usab sa buhatan sa bise gobernador niduaw sa police station ug gipang-asikaso ang bayranan sa punerarya ug hospital.

Apan ang ubang kabanay ilaha pa gayud nga gipa-abot ug gipanghinaot nga karong adlawa moduaw sa police station aron ma asikaso pa ang ubang mga dukumento nga pagsang-at sa dugang kaso.

Giklaro niini nga nagpabiling 15 ang patay hangtud ning mga higayuna sanglit ang uban 48 ka mga naangol nagpabilin p sa tambalanan.

Ang mga namatay mao sila si Alfredo Pacillos 55, Sitio Asinan Brgy. Bato Toledo; Cyril Benting 10 taga Mohon, Brgy. Colinia Tuburan; inahan nga si Flordelez Benting 37; ug ang adopted son niini nga si Sian Vincent Bazarte, 5; Maximo Agsoy, 55, taga Bgry. Caridad, Tuburan; Romela Cabañero, taga Brgy. Cantuod, Balamban; Mary Jane Capacite, 20, Brgy. General Climaco, Toledo; Teofilo Colegado 49, Brgy. Jagbuaya, Tuburan; Jose Bueno 61, Poblacion Tuburan; Danilyn Rosal, 10, Guinabasan Asturias; Felicidad Arnibal, 61, Guinabasan Asturias; Norberto Tejano 40, taga, Soong, Lapulapu; Adonis Garbanzos, 73, Tisa Labangon, apan dunay panimalay sa Sta. Lucia Asturias; asawa niining si Evelyn, Junavie Vega, 22, taga Media-onse Toledo. (Guam Logroño)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph