Drugas sa Talisay gituohang mominos

Saturday, March 20, 2010

DAKO ang pagtuo sa kapulisan sa dakbayan sa Talisay nga momenos ang supply sa shabu sa Brgy. Tangke nunot sa pagkasikop ni Hermigildo Capala, 60, igsuon ni Konsehal Aaron Capala.

Si Supt. Henry Binas, hepe sa kapulisan nibutyag nga base sa ilang nasayran, si Hermigildo maoy tigsuplay og shabu sa Tangke, Talisay City, Cebu City south ug sa Negros island.

Have something to report? Tell us in text, photos or videos.

Ang Tangke maoy giila nga drug haven sa Talisay sud na sa dugayng panahon.

Click here for Election 2010 updates

Matod ni Binas nga ang ngalan ni Hermigildo nalakip sa top ten watch list sa PNP tungod sa giingong iyang kalambigitan sa illegal nga drugas.

Gibutyag ni Biñas nga nasayod siya niini dihang niasumir siya pagka hepe sa Talisay City police station niadtong November 2008.

Ang ngalan ni Hermigildo nabutang sa listahan sa kapulisan sa Talisay ug sa Cebu Provincial Police Office.

Gipasabot ni Binas nga naglisod sila sa pagsikop kang Hermigildo tungod kay tagsa ra man kini mag-ulian sa Talisay.

Apan si Konsehal Capala nanalipod sa iyang manghod ug niingon nga ang nahiligan niini mao ang pag-apil og mga derby.

Matod sa konsehal nga di tinuod nga ang iyang manghod ang nag finance sa iyang kampanya niadtong pagpapili niya sa 2007 election. (VLM)