Dumpit mi-plead not guilty
Monday, March 22, 2010
More Sections
NANGANGKON ang kontrobersyal nga pulis nga si SPO1 Adonis Dumpit nga di siya sad-an sa kasong pagpatay nga gisang-at batok kaniya dihang gipahigayon ang arraignment sa kaso kagahapon sa korte.
Si Dumpit, dihang gibasahan sa iyang kaso nga anaa sa Regional Trial Court (RTC) Branch 6 ubos ni Judge Ester Veloso tungod sa kamatayon sa giingong “robbery suspect” nga si Ronron Go, nitubag siya nga “not guilty.”
Have something to report? Tell us in text, photos or videos.
Gikatakda nga ipahigayon unya sa Abril 12 ang pre-trial sa kaso sa pulis.
Click here for Election 2010 updates
Modepensa kang Dumpit mao sila si Atty. Pedros Leslie Salva, Atty. Celso Espinosa ug Atty. Frank Malilong.Ang tulo ningrepresentar na kang Dumpit kagahapon sa korte.
Samtang, si Atty. Rizalina Zozobrado maoy “private sector” sa habig ni Go uban sa mga abogado sa Office of the Ombudsman.
Nasayran, nga si Dumpit gipasanginlang maoy nipusil sa 17 anyos nga si Go niadtong 2004. Naigo ang biktima sa buko-buko sud sa duha ka higayon.
Nalatid sa iyang counter-affidavit nga gisumiter sa National Bureau of Investigation (NBI), nisaysay si Dumpit nga si Go naigo dihang iyang gipusil ang kaubang suspek niini nga si Junjun Gador nga maoy unang nipusil kaniya.
Gipresentar usab niya ang mga affidavit sa duha ka mga testigo, kinsa nangangkon nga si Go armado niadtong higayona ug sakop sa robbery group nga gigukod ni Dumpit ug sa ubang mga kauban niyang pulis.
Mao kini ang kaso nga hinungdan nga nawala og makadiyot nga higayon si Dumpit dinhi sa Sugbo.
