Durano: Kalahian sa Pilipinas ug Taiwan

Wednesday, June 9, 2010

SA AKONG hamubo nga pagbisita sa Taipei, Taiwan sa tumong ug tuyo sa pag-obserbar sa ilang coal fired power plant operations nga gipadagan sa Formosa Heavy Industries Corp., akong nakita nga ang ilang gipatuman mao na ang (1) green coal technology nga way itom nga ano-os ang ibuga sa panghaw, lahi sa atua nga pwerteng hugawa; (2) tungod niini ang pipila sa mga planta ang nahasud sa Industrial Complex nga anaa mismo sa downtown area diin gituparan sa mga residential condominiums ug shopping malls; (3) unya ang ilang mga coal ash gigamit isip cement additive ug fertilizer ingredient ang fly ash component samtang ang bottom ash gigamit isip filling material ug stabilizer sa mga infrastructure projects.

Click here for Election 2010 updates

Have something to report? Tell us in text, photos or videos.

Apan lahi dinhi sa ato nga ideretso ra og yabo. Didto isulod pa kini nila og sealed containers una ilunod sa gitukod ug gipabarug nga istraktura; (4) didto wala makasinati og brown-outs sulod sa hapit na usa ka dekada ang milabay. Wa usab sila sukad makasugat og power shortage gawas niadtong giigo sila’g kusog kaayo nga bagyo. Dinhi sa Pilipinas, ang mga Pinoy, labi na gyud kitang mga Bisaya, gikaluhaan na sa rotating brown-outs sa matag adlaw nga panginabuhi. Ang nakayabag ning maong kahimtang kay mas mahal pa ang atong balayranan sa kuryente kon intandi sa atong silingang mga Taiwanese, unya dehado kaayo kita sa serbisyo.

Sa akong actual plant visit, ako nahingangha sa teknolohiya nga gihuptan ning maong gamayng dapit. Gani sa pagkakaron pabilin pa mang gilalisan ang estado niini isip usa ba ka nasod o usa lamang ka probinsya sa People’s Republic of China apan lahi kanato nga nagsalig lamang tanan sa mga langyaw nga mga kompaniya.

Didto ang Formosa Group ang migamit na mismo sa ilang kaugalingong teknolohiya kansang mga planta fully-automated na unya ang ilang energy production dili lamang alang sa mga konsumidor kun dili nag-una niini ang sa ilang mga manufacturing plants nga nagama og mga heavy industries nga produkto.

Didto dako usab kaayo og kumpiyansa ug pagsalig ang katawhan sa ilang gobyerno nga mohimo sa tanang higayon sa pagprotektar sa ilang kahimtang sa panglawas ug sa kinaiyahan. Hinungdan nga ang ilang operations imbis supakon kini dawaton sa tanan basta makapasar sa gisetar nga standards sa kagamhanan.

Kini kay makita man sab sa ilang mga konstituwente nga dili pabaya ang ilang gobyerno ni makigkunsabo sa mga industrialists aron sa paglapas sa balaod. Kay sa higayon nga adunay ibugang ano-os sa panghaw o sa bisan unsang mga kalapasan, dili na kinahanglanun pa ang reklamo sa mga tawo kay ipso facto sila nga padad-an man dayon og notisya nga kurihian ang nahimong kakulian o sila silutan diretso sa kagamhanan.

Apan dinhi sa ato, ang katawhan maglisod sa paghatag sa pagsalig sa mga nangatungdanan kay sila untang mohimo sa pagpatuman sa balaod ang mibaliseng man gani ning maong nag-una nilang katungdanan sa pangagamhanan.