Editoryal: Ang anti-AIDS campaign sa CHD

Friday, March 19, 2010

DILI ikalimod nga makapaalarma na kining pagsaka sa kasong human immunodeficiency virus (HIV) ug sexually transmitted diseases (STD) dinhi sa Sugbo.

Sa iyang report, si Ilya Tac-an, STD, HIV ug Aids coordinator sa Cebu City Health Department, mibutyag nga labing minos 74 ka mga kasong HIV ang gikataho na gikan sa Enero ngadto sa Pebrero ning tuiga.

Have something to report? Tell us in text, photos or videos.

Click here for Election 2010 updates

Niini, isip sakbang, ang Cebu City Health Department, moapod-apod og mga condom ngadto sa mga molupyo sa dakbayan, ilabi na kadtong mga commercial sex worker. Matod ni Tac-an nga ang condom maoy usa lang ka paagi sa ilang gitawag og ABC campaign nga makahatag og safe sex ngadto sa matag usa.

Ang “A” nagpasabot nga “abstinence from sex,” nga sa ato pugngan ang imong kaugalingon nga makig-sex samtang ang “B” alang sa “be faithful to your partner,” diin buot ipasabot nga di gyud ka magluib sa imong asawa ug kapuyo. Ang ikatulo “condom use.”

Sa tulo, ang “A campaign” maoy pinakalisod nga tumanon kay kinsa ba guy wa magkinahanglan og sex ning kalibutana? Di ba ang sex usa man sa human needs? Kon tumanon kini di kaha maaburido ang ulo sa mga tawo?

Daw sa dili anti-AIDS o anti-HIV ang gi-promote sa taga Health department kon dili mora’g anti-sex man siguro.

Ang paggamit og condom tinuod nga makatabang aron malikayan nga mataptan sa maong mga sakit, apan ang libring pagpanghatag niini nga bulgar sa publiko mahimong maghatag og laing kahulogan. Kay libre man, di kaha posibling kini maabusahan ug adto na hinuon sa lain gamiton?

Ang pagpahamtang og estriktong pagpasunod sa health card niadtong mga bar entertainer ilabi na niining mga gagmayng bar ug imnanan mao siguroy usa sa angay buhaton ug ingon man ilakip usab ang subsob nga kampanya sa pagwagtang niining mga babaye nga anaa naghuwat og customer sa kadalanan.