Editoryal: Asphalt storm na sab?

Wednesday, September 8, 2010

ASPHALT Storm gihapon ang gitermino ni Cebu City Mayor Mike Rama sa iyang proyekto nga magtarong unya sa mga lubak-lubak nga dalan sa dakbayan.

Tarongon ang nagkahibat nga dalan tungod sa pagkalanay sa aspalto ug tapakan ang kadtong dunay mga lungag.

Have something to report? Tell us in text, photos or videos.

Updates on President Benigno Aquino III's presidency

Matod sa mayor, nga si di madugay, masugdan na gyud niya ang maong proyekto nga maoy tubag sa mga reklamo ug pag-antos sa mga motorista.

Sa naghinapos nga bahin sa katapusang termino ni kanhi Cebu City Mayor Tomas Osmeña nga karon usa na ka kongresista sa habagatang bahin sa dakbayan, ang asphalt storm mao usab ang iyang gi-termino sa susamang proyekto.

Gihangop og maayo sa mga Sugboanon ang pagpahibawo sa kanhi mayor niadtong higayona kay lagi mao kini magputol unya sa dugay na nilang paghandom.

Naghinangat ang piniliay niadtong higayona hinungdan nga gidali kini sa paghikay sa mga opisyales sa dakbayan aron dili maabtan sa election ban.

Apan sa unsa bang pagka unsaa, nahuman na lang ang eleksiyon nga gani hangtod karon nagkagrabe na hinuon ang mga libaong.

Way pagpang-aspalto kon asphalt storm nga nahitabo ug pasalig ra diay sa kanhi mayor ang iyang giluwatan ilabi na kay naghinangat ang piniliay.

Karon ania na puy laing mipasalig og asphalt storm sa dakbayan.

Ug ning higayona, ang bag-o na sab nga mayor ang mipahibawo niini.

Hinaot unta nga di ni mapareha sa asphalt storm sa miaging administrasyon.

Sama ra ba kaniadto, naghinangat sab ang eleksiyon karon.