Editoryal: Automated elections malaumon
Sunday, February 7, 2010
More Sections
MALAUMON ang resulta sa pagsuway sa mga modernong ekipo alang sa eleksyon niadtong Sabado sa mga piniling dapit sa nasod, naapil ang Sugbol.
Dunay ginagmay nga namatikdan nga problema sa pagsuway sa botasyon gamit ang Precinct Count Optical Scan (PCOS) sama sa kalangay sa pagpadala sa resulta sa eleksyon gikan sa mga dapit nga way signal ug dunay ‘bagbag’ sa komunikasyon.
Have something to report? Tell us in text, photos or videos.
Click here for stories and updates on the Sinulog 2010 Festival.
Hinuon, ang sukod sa kalangay sa pagpada sa resulta layo ra usab kaayo kon itande sa usa ka mano-mano nga eleksyon.
Ang sunodsunod nga mga pagsuway sa PCOS sa nagkalainlaing dapit sa nasod gituyo aron pagsuta sa posibleng problema nga masugatan sa tinud-anay nga eleksyon karong Mayo 10 ug mapangandaman nang daan kini sa Commission on Election (Comelec) uban sa ubang grupo nga nagpakabana alang sa han-ay, matinud-anon ug luwas nga proseso sa pagpili sa mga tawo nga modala sa renda sa kagamhanan.
Nasayod kita nga di mahingpit dayon ang bisan unsang kabag-ohan o kausaban gawas kon mabaid na kini sa pagligid sa panahon, apan ang pagpaningkamot nga mahimo o maduol kini sa kahingpitan dako na kaayong timaan alang sa kalamposan.
Maglaom kita nga pinaagi sa mga pagsuway sa PCOS ug aktibong pagsuporta ug pagpakabana sa katawhan, ang labing unang automated elections mapatik nga positibo kaayo diha sa mga panid sa kasaysayan sa nasod.
