WA na maminaw si Mayor Tomas Osmeña sa Syudad sa Sugbo sa tubag sa taga Department of Transportation and Communication (DOTC) human niya giingnan ang mga opisyal niini nga “lousy urban planner” atol sa usa ka tigum kagahapon kabahin sa giduso niining proyekto nga Light Railway Transit-Mono Rail Transit (LRT-MRT) alang sa lalawigan sa Sugbo.

Gani, daw giinsulto pa niya ang ubang mga nitambong sa maong tigom

Klaro nga supak si Mayor Osmeña sa maong proyekto kay mahimong kompetensya unya kini sa iyang Bus Rapid Transit (BRT).

Sun.Star accepts donations for victims of Typhoon Ondoy

Nindot unta kaayo ang plano sa nasudnong kagamhanan nga magtukod og LRT-MRT system gikan sa Sogod sa amihanang bahin sa Sugbo ngadto sa Dalaguete sa habagatan. Moabot og P27 bilyones ang ibubo sa kagamhanan alang sa maong proyekto.

Samtang moingon ang kaalyado sa mayor nga si Kong. Raul del Mar nga mahimong mausab ang baruganan sa mayor kon matubag lang ang iyang mga pangutana, nagkanayon si Kong. Pabling Garcia nga sama na ang gibuhat ni Osmeña og pagdukdok og lansang sa maong proyekto.

Dakong pangutana karon kon nganong daw sarado na man ang iyang utok sa maong proyekto sa DOTC?

Unsa may naa sa BRT system nga nakapasirado sa utok ni Tomas sa uban pang mga alternatibo?

O politika na ba sab kini?