HUMAN mapatay ang mga sakop sa Alvin Flores gang sa National Bureau of Investigation (NBI-7), dunay mga pagdudang mitumaw sa mga sirkumstanya atol sa operasyon.

Naingon niini ang nahitabo tungod kay way pulis nga gipasud sa dapit hangtod nga nahuman na paghipos ang lawas sa giingong mga gangster.

Sun.Star accepts donations for victims of Typhoon Ondoy

Bisan tuod kon dunay nabuhi nga sakop sa grupo nga wa mosukwahi sa pamahayag sa mga taga NBI, nagpabilin gihapon ang mga pagduda sa katinuoran sa iyang gipangsulti.

Naa pa man gud siya sa poder sa NBI, busa magduda gihapon ang publiko kon tinuod ba gyud ning iyang sulti, kay basin gi-pressure siya sa mga nag-custody niya.

Maayo sab nga dunay imbestigasyon ang Commission on Human Rights (CHR) kabahin sa operasyon.

Bisan tuod lisod ang imbestigasyon kay way mga saksi, pinaagi sa pagsusi sa crime scene hayan mahayagan og gamay ang publikong madudahon.

Kon wa silay gitagoan, mas maayong mokooperar ang NBI agents sa imbestigasyon aron sab malimpyuhan ang ilang mga ngan.

Inay nga mahiubos sila ug masuko.

Pinaagi sa imbestigasyon sa lahi nga agency malimpyuhan ang ilang ngan nga sa pagkakaron gidudahan.

Kay kon ang ila rang pamahayag maoy paminawon, bisan kapila pa nila kini balikbalikon, magpabilin gihapon ang pagduda nga posibleng dunay rubout.