Editoryal: Iningles di sukdanan sa kalantip
Tuesday, August 31, 2010
More Sections
MIBALIK karon ang debate bahin sa paggamit ug paglitok sa mga Filipino sa pinulongang English.
Si Kongresista Eduardo Gullas sa Unang distrito sa Sugbo, niduso og balik sa ikatulong higayon sa balaudnon sa Ubos Balay-Balauranan alang sa hingpit nga paggamit sa English isip medium of instruction sa tanang ang-ang sa edukasyon sa nasod.
Have something to report? Tell us in text, photos or videos.
Ang “Major, mayjor..” nga tubag ni Venus Raj sa question-and-answer sa Miss Universe 2010 misamot sa pagbinayloay og hunahuna bahin sa paglitok og English.
Updates on President Benigno Aquino III's presidency
Dunay nakasaway kang Raj tungod sa Filipino nga estilo sa iyang pagsulti sa English nga pulong.
Ang English makatabang ba pagpalambo sa kahibalo? Sukdanan ba kini sa kalantip sa panghunahuna?
Daghang pagtuon sa mga ahensya ubos sa United Nations (UN) nagpamatuod nga ang kahibalo sa usa ka bata paspas ug mas lawom kon mogamit sa lokal nga pinulongan.
Ang Pilipinas giila nga ikatulong nasod sa kalibotan dunay daghang maayong mosulti og Iningles.
Apan sa laing pagtuon sa UN, nakita nga ang mga tinun-an sa Pilipinas ubos og ‘comprehension’ o ubos og pagsabot sa gibasa.
Dayag nga epekto niini–daghang maayong mosulti og Iningles apan way unod ang iyang gipamulong.
Di kaha kini ang kaso ni Raj?
Ang Department of Education (DepEd) nakaamgo na sa malantip nga pagtuon sa UN busa gipatuman ang “multi-lingual system,” paggamit sa lokal nga pinulogan sa klase labi na sa dugang pagpasabot.
Hinuon, ang pagkamaayo nato sa English usa ka bentaha apan di kini sukdanan sa kalantip. Labaw sa tanan, di basehanan sa usa ka malangkubon ug malahutayong kalamboan.
