Editoryal: Kampanya batok Osmeña

Monday, March 22, 2010

BISAN tuod ning naghinangat nga piniliay, daw sa way pugongpugong si Cebu City Mayor Tomas Osmeña sa iyang mga pagpabuhagay og mga pulong nga makapasakit sa pipila ka mga pundok o sector.

Sa niaging adlaw, nabutang na usab siya sa alanganin sa dihang iyang giyagyag ngadto sa publiko ang iyang pagsuporta sa reproductive health bill nga napatingkag sa dawunggan sa mga kaparian.

Have something to report? Tell us in text, photos or videos.

Gawas sa iyang pagpasalig nga andam siyang mopagawas og pundo aron pagpamalit og condom nga maoy ihatag ngadto sa publiko aron malikayan ang pagkatap sa sakit nga HIV/AIDS ug sexually transmitted diseases, mipataban pa gyud ang mayor sa pagpasumbingay nga “way relihiyon nga makabuot kon unsay buhaton niya, Gani ang Ginuo niingon nga makabuhat ka sa imong gustong buhaton.”

Click here for Election 2010 updates

Inaroganti ug dakong kining insulto ngadto sa mga kaparian tungod kay una, ang pari di gyud makabuot ni bisan kinsa ug ang papel lamang niini mao ra man ang paggiya og pag-advise niini. Kon motuman ta maayo, kon dili aw wa silay mahimo.

Ning bag-o pa lang sab, si Pastor Alcover nideklarar og “all-out-war” batok ni Osmeña sa umaabot nga piniliay. Kini tungod sa iyang paghatag og pasidungog ngadto sa Bayan Muna ug ni Satur Ocampo,
Gihulagway ni Alcover, kinsa anti-communists crusader, nga ang Bayan Muna maoy front organization sa Communist Party of the Philippines-New Peoples’ Army.

Niini, gustong isabwag ni Alcover nga sa gibuhat ni Mayor Osmena daw sama ra nga nisuporta siya sa mga tawo ug grupo nga naghatag og hulga dili lang sa Sugbo kon dili sa tibuok nasod.

Tungod niini, ang kadagkuan sa Simbahan ug ang grupo ni Alcover adunay managsamang tahas sa umaabot piniliay. Ang pagpakigbatok sa kandidatura ni Osmeña kinsa magpapili pagka kongresista sa Cebu City South District.

Duna pa ba kahay mosunod? Tan-awon ta lang ning umaabot nga mga adlaw.