Editoryal: Kasaysayan sa boxing attendance

Monday, March 15, 2010

ANG 50,994 nga gidaghanon sa mga tawo nga nihan-ok sulod sa $1.2 billion Cowboys niadtong Dominggo sa Manny Pacquiao-Joshua Clottey welterweight fight maoy ikatulong pinakadako nga crowd sa indoor fight sa kasaysayan sa boxing.

Ang una gyud nga pinakadako nga indoor attendance sa boxing mao ang away nila ni Muhammad Ali ug Leon Spinks niadtong 1978, diin moabot ngadto sa 63,315 linawas nga ningsaksi.

Have something to report? Tell us in text, photos or videos.

"The Manny Pacquiao Blog". Click here for stories and updates on the Filipino boxing champ.

Sa dihang si Julio Cesar Chavez niaway kang Pernell Whitaker niadtong September 1993 sa Alamodome sa San Antonio, Texas niabot ngadto sa 58,891 ang ningtan-aw sa sa dome.

Ang crowd usab niadtong Dominggo sa Cowboys Stadium mao usab ang ikaduhang pinakadako nga crowd sa boxing history sa Texas.

Ang orihinal unta nga lingkuranan nga giandam alang sa maong away kagahapon moabot lang og 45,000 apan ang tag-iya sa Cowboys Stadium nga si Jerry Jones nibutyag nga posibleng motaas pa kini kon kinahanglanon gyud.

Biyernes pa lang gani, duha ka adlaw sa wa pa ang away, niabot na sa 42,000 ka tike t ang nangahalin hinungdan nga ang mga officials sa stadium nakadesider nga mobaligya na lang og standing-room tickets.

Sa niaging buwan, ang Cowboys Stadium nihimo usab og kasikas nga na-headline sa mga newspaper sa dihang nakulit ang world record sa natad sa basketball attendance nga moabot ngadto sa 108,713 ka mga tawo sa dihang mi-host kini sa NBA All-Star Game.

Kon hisgutan usab ang pinakadakong attendance sa outdoor boxing, ang away usab ni Julio Cesar Chavez ug Greg Haugen alang sa WBC welterweight bout maoy nahupot sa record human moabot ngadto sa 136,274 ang linawas nga ningtambong sa maong away nga gipahigayon niadtong Pebrero 20, 1993 sa Estadio Azteca sa Mexico City.