Editoryal: Kasiguroan dili overreacting

Monday, February 8, 2010

JOVAN Fernandez is at it again.

Niadtong Biyernes sa kadlawon, ang sinagop nga anak ni Talisay City mayor Soc Fernandez nga si Joavan, nalambigit na usab sa usa ka kontrobersiyal nga hitabo.

Have something to report? Tell us in text, photos or videos.

Ning higayona, hapit siya makaligis sa managtiayon nga nagsakay sa motorsiklo human siya mo-overtake niini nga wa gani mopasiga sa iyang signal light, sigon sa sumbong sa bana’g asawa nga si Jonathan ug Irene Ignacio.

Click here for stories and updates on the Sinulog 2010 Festival.

Nihunong ug nikanaog man tuod gikan sa iyang gisakyan nga Isuzu Big Horn si Joavan, apan imbis tabangan ang nangatukay-an nga managtiayon, gitionan hinuon niya kini sa pistola ug may pakapin pang isturya, “wa mo kaila nako? Anak ko sa mayor, ako ning Talisay.”

Pipila na ka higayon nga nalambigit si Joavan sa mga kontrobersiya nga panghitabo.

Ang paghulga sa gas attendants sa Petron station sa barangay Lawaan human siya balibari nga makakuha pa og gasolina tungod sa nagpabilin pang utang niini.

Ang pagkulataug pagtanggong sa duha ka trabahante sa vulcanizing shop nga sila si Osbert ug Winston Abellana. Ang pagkuha sa TV setug DVD player sa tag-iya sa vulcanizing shop nga si Mercedita Abellana.

Ang pagpusil-patay sa PUJ driver nga si Panfilo Barinque sa barangay Cansojong niadtong 2006 ug ingon man pagkaangoL sa konduktor ug laing duha ka mga batan-on sa maong hitabo, maoy pipila lang kamga abuso nga gitumbok ngadto ni Joavan.

Kining iyang gipangbiktima pulos dili niya atraso ug sagad niini ordinaryo lang nga Talisaynon nga nanginabuhi. Way nakasiguro ilabi nasa taga Talisay nga dili sila makasugat ug mabiktima ning nagsuroysuroy nga Joavan.

So, kinsay nag-ingon nga dili siya hulga sa katawhan? Ang pag-awhag nga ipa-rehab si Joavan aron mausab ug magbag-o sa iyang kinabuhi dili overreacting. Tinguha lang sab nga ilikay ang publiko sa dakong hulga sa ilang kinabuhi. Di ba, Vice-Mayor Allan Bucao?