NASULBAD na sas City Hall ang kalangay sa paghatag og lungon ngadto sa mga lumolupyo sa Syudad nga namatyan.

Paspas na kini makahatag ug gani lakip pa sa Sabado ug Dominggo.

Sun.Star accepts donations for victims of Typhoon Ondoy

Kahinumdoman, alkansi ang City Hall sa mga tawo ni Atan Guardo nga dali kaayong makahatag og lungon kon dunay mamatyan.

Makapahimuot nga nalakip na ang panghatag og mga lungon sa pangampanya karon.

Unang nibuhat niini ang kampo ni Atan Guardo.

Nanaway man tuod si Mayor Tomas Osme-ña niini ug niingon nga mas maayo ang panghatag og hinabang medikal sa mga buhi pa kay sa niining tabang alang sa namatyan.

Imbes barugan ang pamahayag sa mayor, nisunod hinuon ang City Hall.

Daw hilas man gud ang mayor nga maghisgot og tabang nga medikal nga nakahi-bawo man kita gusto gani ibaligya ni Osmeña ang Cebu City Medical Center (CCMC) nga maoy hospital sa mga kabus.

Nakita sab tingale ni Osmeña nga mas epektibo ang pagpanghatag og mga lungon mao nga ila na lang gisunod. Nakahibawo na man kita nga si Osmeña naglaraw nga mahimong usa ka kongresista sa Segundo Distrito sa Syudad sa Sugbo. Kining panghatag og mga lungon sama ra og pagpamalit og mga boto. Aw, sige na lang kini kay duna may klarong nahatag nga tabang.

Nakabentaha lang ang mayor kay kuwarta sa katawhan ang iyang gigamit samtang si Guardo iyang kaugalingon.