KINING gugma na gani ang manghasi, kapugngan pay baha. Wa say brayt sa gugma, bugo ang tanan.

Naa pa ganiy uban mental hospital ang gihagsaan kay naulipon sa gugma ug nabuang tungod ini.

For updates from around the country, follow Sun.Star on Twitter

Ambot kon gugma ba sab kaha ang gibati sa usa ka Cebu City councilor nga gikataho nga gisung sa iyang asawa samtang namisita sa usa ka sakop sa Mayor’s
Management Team (MMT).

Kon tinuod man gani ning mga tabi nga nagtuyoktuyok na sa City Hall, di maayo ning paminawon.

Kay di baya matawag nga pribadong kalihukan kining hitaboa kay naglambigit sa usa ka opisyal sa Siyudad ug kawani sa City Hall.

Maingon tang pribado kon ang relasyon naglambigit sa opisyal ug sa kawani sa laing buhatan, pribado man o sa kagamhanan.

Apan, isip public official, gipaabot sila nga magsubay sa mas taas nga moral standard kay sa ordinaryong mga tawo.

Kaniadtong dunay usa ka konsehal sa Siyudad nga naintriga sab nga dunay kabit, ang opisyal wa makaaguwanta sa publisidad, mi-resign siya.

Bisan gani sa ubang mga nasod nga mas liberal, sama sa US, ang pagbaton og kabit dako na kaayong isyu.

Bisan na gani ang nakaagig dibursyo, isyu lang gihapon.

Dinhi sa atoa nga nagsige tag pasiatab sa pagkakonserbatibo, ang pagpangabit di na isyu.

Naay ubang mga opisyal, ibandera pa ang ilang mga babaye.