Editoryal: Lihok na komunidad

Thursday, September 2, 2010

NAPUNO sa mga pasyente ang mga ospital karon tungod sa mga kaso sa dengue fever.

Sagad ra ba sa mga biktima mga bata nga huyang pa kaayo og immune system kon itandi sa mga hamtong.

Have something to report? Tell us in text, photos or videos.

Sa Cebu City Medical Center ug Vicente Sotto Memorial Medical Center nagtipun-og ang mga pasyente sa dengue.

Updates on President Benigno Aquino III's presidency

Ning nakalabay nga adlaw wa una manawat og mga pasyente sa dengue fever ang Mandaue City Hospital.

Di kini maayo nga tilimad-on kay klaro kaayong misulbong ang gidaghanon sa nangaigo ning sakit nga dala sa lamok.

Nagkahulogan kini nga ang komunidad kuwang kaayo sa pagpakabana sa pagsumpo o pagpugong nga di mokuyanap ang mao nga sakit.

Kay kon nisanong pa ang komunidad sa kampanya batok sa dengue fever, di unta makakuyanap og ingon ini kakusog ang mao nga sakit.

Daghan man gud ang nagtuo nga ang numero unong armas batok sa dengue mao ang kemikal nga ipasirit o ipaaso sa mga technician sa gobyerno sa apektadong mga lugar.

Ang una ug labing epektibong lakang batok sa dengue mao ang pagpanglimpyo kanunay, labina sa pagbantay ug pagpangita sa mga dapit nga maitlugan sa mao nga lamok.

Labina kay ting-uwan karon, dali ra kaayo silang makasanay.

Ayaw huwata nga mokuyanap sa imong dapit ang dengue.

Kon di ka karon manglimpyo, kanus-a pa man? Kon uwahi na ang tanan? Ayaw pagpaabot nga ang mga opisyal pay molihok alang nimo.