Editoryal: Makalilisang nga sunog

Tuesday, March 16, 2010

LAING dakong sunog ang niigo sa Metro Cebu sa miaging hapon - kapin sa 200 ka mga balay sa Sitio Aroma, Barangay Subangdaku, siyudad sa Mandaue ang nahimong abo.

Nahitabo kini taliwa sa higpit nga pasidaan nunot sa pag-obserbar sa Fire Prevention Month.

Have something to report? Tell us in text, photos or videos.

Ang sagad sa mahitaboan sa makalilisang nga sunog mao ang dapit sa mga kabus o squatter’s area diin naghuot ang kabalayan nga ginama sa light materials sama sa Sitio Aroma.

Click here for Election 2010 updates

Mas gipahigpitan unta sa kabomberohan ang kampanya karon batok sa sunog tungod sa nasinati nga grabeng kainit tungod sa El Niño phenomenon nga miigo sa nasod.

Apan ang aksidente o kaha pagpasagad kanunay hinungdan sa pag-ulbo sa sunog nga nikaon sa paningkamot sa mga pamilyang kabus.

Magsugod na sab sila sa pagpundar sa ilang kabtangan ug kapuy-an. Apan ang uban maglisod sa pagbangon.

Ning dakbayan nga gipalibotan sa dapit sa mga kabus, way laing epektibong solusyon mao ang pagmatngon sa matag usa, katilingbanong pagpangandam ug pagkabana.

Di nato usab mabasol ang mga bombero sa pagkaylap sa halapad nga sunog kay sila dunay limitasyon - kakuwang sa igong ekipo gawas sa gilay-on sa pagbiyahe ngadto sa dapit nga nahitaboan.

Busa ang dakong responbilidad nakasandig sa matag usa kanato pinaagi sa pagsusi kanunay sa posibling tinubdan sa pag-ulbo sa kayo labi na sa dapit sa mga kabus.

Maglikay ta sa makalilisang nga sunog.