Editoryal: Na-misinterpret?

Wednesday, September 1, 2010

DILI mahitabong ma misquoted si Gloria Diaz, 1969 Miss Universe, sa iyang gibuhiang pulong atol sa usa ka television interview diin daw ingon og sa gipakaubos kaayo niya ang mga Sugboanon.

Tiaw mo bay sa iyang giluwatang pamulong, dihang gikuhaan og reaksiyon sa tubag ni Venus Raj atol sa 2010 Universe, nasabot sa kadaghanan nga ang mga Cebuana gihimo niyang ehemplo nga di kamao mo-iningles.

Have something to report? Tell us in text, photos or videos.

Updates on President Benigno Aquino III's presidency

Wa makauyon sa iyang gipamahayag, pipila ka mga Sugboanon lakip na ang mga kadagkuan niini ang nanghimaraot ni Diaz ug miluwat usab og mga bating pulong batok kaniya.

Pipila ka mga lider sa Sugbo ang gustong modeklarar ni Diaz og “persona non grata.”

Ang iyang gibuhian nga pamahayag nga nakapasakit sa mga Sugboanon nagkanayon “when you think about a Cebuana can hardly speak English, and of course Tagalog, maybe she should answer in Bisaya.”

Dinhi mitumaw ang kontrobersiya nga maoy nakainit sa ulo sa pipila ka mga Bisaya ug mitumaw ang mga pangutana kon nganong ang Sugbo pa man gyud ang iyang gituyoan?

Tingali, duna na siyay daang kasilo sa mga Sugboanon, o basin og ubos ra gyud ang iyang pagtan-aw ug mayano-yano ra niya ang mga Cebuano maong dali ra kaayo ni niyang nabuhat.

Apan angay usab tan-awon ug tidlumon og maayo ang pamahayag ni Diaz kay basin baya og sukwahi ang buot niyang ipasabot kay sa nasabtan sa kadaghanan.

Basin og dunay mga missing words sa iyang pamahayag nga wa niya malitok ug wa niya mapasabot sa interview sama sa nahimo ni Venus Raj nga wa ma esplikar og maayo ang iyang tubag hinungdan nga na misinterpret usab siya.