Editoryal: Padayong mikulit sa kasaysayan

Sunday, March 14, 2010

CONGRATS Pacman! Mabuhi ang mga Filipino!

Laing garbo ang gikulit ni Manny ‘Pacman’ Pacquiao sa kasaysayan sa natad sa boksing sa kalibotan human gipalukapa niya si Ghanian Joshua Clottey sa unang hugna sa ilang away kagahapon sa Dallas, Texas.

Have something to report? Tell us in text, photos or videos.

Si Pacman maoy bugtong boksidor nga nahimong kampiyon sa pito ka mga nagkalainlaing divisions ug organisasyon sa boksing sa kalibotan.

"The Manny Pacquiao Blog". Click here for stories and updates on the Filipino boxing champ.

Ang kadaugan ni Pacman, kadaugan sa mga Filipino sa tibuok kalibotan - gibati og dugang garbo sa iyang kaliwat nga tabunon.

Dinhi sa Pilipinas, sama sa iyang mga miaging away, nihunong ang tuyok sa kalibotan ug ang tanan napilit sa telebisyon sa radyo aron pag-abiba sa idolo nga si Pacman.

Wa magkawang ang ilang paghunong sa trabaho kay gisuklian kini sa di mabayrang kali-pay sa pagdaog ni Pacman batok kang Clottey.

Ang mga Filipino nagkahiusa sa makausa pa ug, maayong pagpakalma sa kahimtang taliwa ning nagkainit nga pulitika tungod sa nagsingabot nga eleksyon karong Mayo 10.

Usa ka maayong ehemplo si Pacman sa tanan nga way imposible kon motutok sa pagpalambo sa imong kahibalo, dunay pasensya ug determinasyon lakip sa displina sa kauga-lingon.

Lig-on ug batan-on pa siya busa seguradong magpadayon pa ang iyang pagkulit sa kasaysayan.