Editoryal: Pag-awit sa national anthem
Thursday, March 18, 2010
More Sections
KAPILA na man mahitabo nga giusab sa mga singer ang Lupang Hinirang sa ilang pagkanta niini matag away ni Manny Pacquiao?
Sikat nga mga singer sama nila ni Charice Pempengco ug Arnel Pineda wa makaeskapo sa atensyon sa National Historical Institute (NHI).
Have something to report? Tell us in text, photos or videos.
Click here for Election 2010 updates
Bisan ang sikat nga Pinoy balladeer nga si Martin Nievera gitumbok sa NHI nga nakalapas gihapon sa balaod sa iyang pagkanta sa national anthem atol gihapon sa away ni Pacman.
Apan bisan usa nila wa pa gyuy napasakaan og kaso ingon man mapahamtangan og silot.
Mapamatud-an unta nga naa diay ngipon ang balaod nga gipanday aron pagpanalipod sa nasudnong awit gikan sa giingong bugalbugal nga pag-awit.
Yuna pa, kon usbon ang tuno sa pagkanta sa nasudnong awit, dautan diay ni?
Kon pananglitan ang usa ka singer mikanta nga kinasingkasing sa Lupang Hinirang nga wa matukma sa tuno ug tempo, di na diay kini kinasingkasing?
Kon naghuna-huna ang usa ka artist nga paninduton pa niyag maayo ang pag-awit sa national anthem pinaagi sa pag-usab og gamay sa tono ini, wa na diay siya mahigugma sa nasod?
Di man tingali sa pag-awit lang sa husto mapakita sa usa ka Pinoy ang iyang gugma sa nasod. Kon ang pag-awit nagagikan sa kasingkasing bisan kon giusab na ang tono, wa may dautan niini.
Panahon na nga bisitahon ug usisahon ang balaod kon nahaom pa ba kini sa panahon.
