Editoryal: Pagbadlong sa gangs

Thursday, March 11, 2010

KON nahilot ug nahunong ang grabeng panagribal sa Alpha Kappa Rho (Akrho) ug Tau Gamma Phi fraternities kaniadto, duna say kahigayunan nga mahunong kining panag-away sa duha ka mga gang.

Kay ang nangalambigit sa away sa Crips ug Bloods gang naa ra man sab sa mga komunidad diin nahitabo ang mga kagubot.

Have something to report? Tell us in text, photos or videos.

"The Manny Pacquiao Blog". Click here for stories and updates on the Filipino boxing champ.

Busa di lisod ang pagpatunga unta sa mga barangay official ingon man sa mga ginikanan aron mahunong kining ilang panag-away.

Ang nakaparat man gud kay igo lang mo-react ang mga barangay official panahon sa panag-away tali sa duha ka mga gang.

Wa gyud sila maghimo og mga lakang aron magkaatubang ang mga lider sa mao nga mga grupo sa ilang komunidad.

Bisan unta sa pagpakig-dialog sa mga ginikanan sa mga batan-on aron ilang madala ang ilang mga anak.

Unsaon man sab nga bisan ang mga ginikanan wa na may panahon sa ilang mga anak?

Laing lakang nga mahimo sa mga opisyal mao ang pag-ban sa duha ka mga gang sa matag komunidad.Mao ni ang labing bug-at nga lakang nga mahimo sa mga opisyal kon di man nila mabadlong ang mga sakop niini.

Yuna, di ba mahimo nga hangyuon ang ilang mga sakop nga inay sila mag-away, mohimo sila og proyekto nga makaayo sa ilang kaugalingon ug kasilinganan.

Nahimo man lagi ni sa Akrho ug Tau.