Editoryal: Pagpangaon sa Kapitolyo

Tuesday, September 7, 2010

SI BISE Gob. Greg Sanchez nibalik sa isyu bahin sa pag-apil sa mga sakop sa media sa pagpangaon og paniudto nga gidalit sa buhatan ni Gob. Gwen Garcia sa Kapitolyo.

Matod sa bise gobernador, ang kanunay sa pagkaon og paniudto sa Kapitolyo maoy hinungdan nga “biased” ang media o pabor kanunay sa goberndador?

Have something to report? Tell us in text, photos or videos.

Updates on President Benigno Aquino III's presidency

Sa pagkatinuod, ang pagkaon di sayop kay usa kini ka grasya. Ang kwarta nga gipalit sa pagkaon gikan sa pundo sa kagamhanan ug di sa personal nga bulsa sa gobernador.

Ug matod ni Garcia, ang pundo nga gigamit sa pagkaon niagi sa insaktong proseso ug nipasar sa pagsusi sa Commission on Audit (COA).

Kon wa makauyon si Sanchez sa pagpakaon ni Garcia gamit ang pundo sa kagamhanan, dunay insektong hawanan sa pagreklamo sa Hunta sa Lalawigan diin siya maoy nagduma.

Apan ang pagka-“biased” usa ka pamatasan sa tawo nga di lang masukod pinaagi sa pagtanyag og pagkaon.

Sa print media, ang newsdesk labi na sa editor maoy mohashas sa gisumiter nga taho gikan sa reporter.

Ang editor di lang motan-aw sa paghan-ay sa estorya ug grammar apan, labaw sa tanan, ang balanse nga pagkasuwat pinaagi sa pagbutang sa habig sa tanang tawo nga nalambigit sa estorya.

Bisan kapila pa gipakaon ang reporter, mokuha gyud kini sa pikas habig tungod sa mando sa editor o di pagawson ang gisuwat.

Insakto ang gipamahayag sa presidente sa Capitol Association of Reporters in Trimedia (Cart) ug reporter sa Sun.Star Superbalita nga si Joy F. Tumulak (JFT), maayong motumbok si Greg og detalye sa mga taho nga “bias” pinaagi sa news clippings.

Giisip ni JFT nga insulto sa Cart ang pagratsada og komentaryo nga “bias” ang grupo.

Tataw nga napiit ang media sa away sa duha ka kampo sa Kapitolyo, busa maayong ipatigbabaw gyud sa mga reporter ang balanse nga pagtaho ug pakigrelasyon sa new sources.