SAMTANG naghisgot si acting Mayor Mike Rama sa mga kalamposan sa Konseho sa Syudad sa Sugbo sa inaugural session niini karong bag-o, naguba sab ang dalan sa Barangay Buot Taup.

Malampuson man tuod ang kalihokan sa syudad labi na atubangan sa mga mata sa mga sakop sa media. Apan ang kawalay dalan tungod sa landslide didto sa Barangay Buot-Taup nagpamatuod nga nga di okay ang tanan sa Syudad.

For updates from around the country, follow Sun.Star on Twitter

Kay si Mayor Tomas Osmeña tua man sa Brazil aron motan-aw sa sistema sa bus didto ug dayon magpa-check up didto sa Estados Unidos, wa una gipahigayon ang State of the City Address kon Soca.

Hinuon, si acting Mayor Rama maoy naghisgot sa mga kalamboan nga nahimo sa Konseho.

Naghisgot sab siya sa mga balaudnon nga nakatabang niadtong pagpalit sa Filinvest sa usa ka dakong pahat niini.

Ang wa mahisgoti ni acting Mayor Rama nga tungod sa pagkahigot sa pundo sa City Hall diha sa pagbayad sa atong dakong utang aron matukod ang South Reclamation Project.

Tungod niini, daghang mga batakang serbisyo nga nalimtan sa mga opisyal kay way igong pundo sama niining pag-ayo sa nagubang dalan sa Barangay Buot-Taup. Lalim bay kaduday na nianang mga nagpasad nga basura, karon lang nakita ni Rama.

Moguwa karon nga pang-media lang gyud kining kalaki ni acting Mayor Rama kay maglisod man siya sa pagdukdok sa mga kawani sa City Hall.