PADAYON ang pagpaugat sa mga tigsuporta sa Bando Osmeña-Pundok Kauswagan (BO-PK) niining ilang pagpanangtang sa mga basketball board diha sa Barangay Cogon-Pardo ug pag-insister sa paggamit sa mga basketball board nga gigastuhan sa Syudad sa Sugbo.

Ang yuta nga gibutangan sa korte pribado apan wa kini makapugong sa mga tawo sa mayor nga motangtang sa mga board nga gibutang sa barangay.

Sun.Star accepts donations for victims of Typhoon Ondoy

Nakahibawo na man kita nga si Barangay Kapitan Jun Gabuya (nga usa ka kanhi konsehal) naa sa habig sa oposisyon.

Wa makauyon ang mga sakop sa BO-PK nga nagbansiwag ang basketball board sa oposisyon.

Mao nga atol sa usa ka pulong-pulong sa pundok, ila sab nga gitangtang ang mga board sa oposisyon.

Pagka ugma, ila kining gilisdan og board nga dunay ngalan ni Tomas.

Sa iyang pagdupa sa gibuhat sa iyang mga sakop, unang niingon si Mayor Tomas Osmeña nga iyang tangtangon ang mga basketball board sa oposisyon kon gitauran og goal sa administrasyon.

Ambot kon unsa kini nga klase sa palusot apan alang sa mga lumolupyo sa Cogon-Pardo, klaro nga nagpaugat ang BO-PK.

Aw, paugat gyud

Labi na kini nga saila giduphan sa usa ka arogante nga amo nga nagpataka na lang sa pagrason basta makuha lang ang iyang gusto nga makadaog sa giingong basketball board war.