Editoryal: Publikong tunghaan solusyon

Tuesday, March 9, 2010

PANAHON na nga palig-unon pag-ayo sa kagamhanan sa mga publikong tunghaan gikan sa pre-school, elementarya, kolehiyo ug ngadto sa post-graduate studies.

Usa kini ka malangkubon nga solusyon sa pagsulbad sa kanunay nga pagpataas sa matrikula taliwa sa krisis.

Have something to report? Tell us in text, photos or videos.

"The Manny Pacquiao Blog". Click here for stories and updates on the Filipino boxing champ.

Hinuon, responsibilidad sa kagamhanan ug katungod sa katawhan sa pagkuha sa libreng edukasyon - ang maong panaad giseguro sa Batakang Balaud.

Ang tagdumala sa mga tunghaan migamit usab sa krisis nga hinungdan sa ilang pagpasaka sa matrikula alang sa umento sa ilang mga kawani apan, ang uban niabuso usab.

Ang mga mamumuo nangayo karon og dugang P100 nga umento dinhi sa Central Visayas (CV).

Sa Hunyo 2010, laing tuig nga tingtungha, daghang tunghaan ang buot mopasaka sa ilang tuitiion fee bisan ang elementarya labina dinhi sa CV nga giilang sentro sa edukasyon.

Seguradong daghan gyud ang maapektohan. Di makapadayon sa ilang pagtungha. Wa usay igong kasudlan og trabaho. Mapun-an ang daghang estambay. Di kaha motaas ang kriminalidad?

Busa ang publikong tunghaan dako kaayo og papel karong panahon.

Maayong tutokan sa kagamhanan ang pagpalapad ug pagpalambo sa sistema sa edukasyon aron mahimong takos sa pagsawo sa way ikasarang sa nagkamahal nga pribadong institusyon.

Samtang, ang mga ginikanan kinahanglan nga mosalig ug mosuporta sa pagpalambo sa mga tunghaang publiko.