Editoryal: Sa garbage truck gyud kaha?

Friday, July 30, 2010

KAHIBULONGAN kining pag-eskapo sa usa ka piniriso sa Cebu City Jail.

Way nakakita kon giunsa pag-ikyas ni Reynard Lindayao Marturillas gikan sa prisohan bisan pa man og adlawng dako.

Have something to report? Tell us in text, photos or videos.

Updates on President Benigno Aquino III's presidency

Ang tanan pulos lang tagna-tagna, espekyulasyon nga kuno ang garbage truck maoy gihimo niining behikulo nga makaeskapo.

Kon sa garbage truck siya nakasakay, asa man nga dapit siya nipatong ug nitago?

Imposibli kaayong mahitapo siya sa mga sagbot kay sigurado man gyud siyang mamatay kay mapisat man siya inig tuyok sa makina para nga madasok sa ilawom ang mga sagbot.

Di sad siya mahimong mokapyot sa luyo nga bahin kay natural di man gyud na magpa-display ang puganti. Unya makit-an sab dayon siya sa mga basurero kon ugaling nakakapyot man siya sa garbage truck.

Ang pinakadali niyang kataguan mao ra gyud ang sa ilawom nga bahin sa tsasis sa garbage truck o kaha adto siya atubangan tapad sa driver nga imposibli sab gyud kaayo niyang buhaton.

Bisan gani og sa tsasis siya nakakupot, delikado gihapon ang iyang kinabuhi kay peligro man og mapiit ang iyang lawas sa yuta.

Busa ang mga pangagpas nga sa garbage truck siya nakaipsot dili angayan nga maoy basehan dayon, gawas kon duna siyay kakonsabo.

Kinahanglan nga palawman pa gyud ang imbestigasyon kay kinsay nasayod nga way labot ang garbage truck sa iyang pag-eskapo o kaha yano lang gilutsan og atubangan ang mga guwardiya sa City Jail, sama sa paglusot sa usa ka latagaw nga bata sa Mactan International Airport nga hangtod nakasakay kini sa ayroplano nga way tiket-tiket bisan pa man sa ka estrikto sa mga airport personnel.