Editoryal: Sa mga Marines na isulti, mayor
Monday, March 8, 2010
More Sections
HUMAN ni kongresista Eddie Gullas ug uban pa, si Monsignor Esteban Binghay na usab, ning higayona, ang nipadayag sa iyang panahom ug tambag ngadto ni Talisay City Mayor Soc Fernandez kalabot kon unsa nay angay buhaton sa mayor ngadto sa iyang sinagop nga anak.
Naipit si Mayor Soc sa mga bating binuhatan sa iyang anak tungod kay sa matag karon ug unya permi man niyang duphan ang mga salaodnong gihimo ni Joavan. Sa iyang giluwatan kagahapon nga napatik sa Sun.Star-Cebu, si Msgr. Binghay, sama sa uban, nihulagway kang Mayor Soc nga overprotective ra kaayo ni Joavan, nga gani ang nauwahi nagtuo na lang nga kon unsay iyang gustong buhaton, iya gyud nga mahimo.
Have something to report? Tell us in text, photos or videos.
"The Manny Pacquiao Blog". Click here for stories and updates on the Filipino boxing champ.
Gisaysay ni Msgr. Binghay nga ang kapakyas ni Mayor Soc pagdisiplina ni Joavan maoy hinungdan nganong ang iyang anak perming makahimo og salaod. Apan taliwala ning tanan, sa mga radio interview, padayon ug hugot nga gipanghimakak ni Mayor Soc nga wa gyud siya mogamit sa iyang impluwensiya.
Gikataho usab nga ang mayor, sa iyang mga pulongpulong nangagni nga di angay tuohan ang mga balita sa media kay kini pulos mga bakak. Karon nga si Msgr. Binghay, ang suod na nga higala ni Mayor Soc, mao na ang niawhag kaniya, moinsister pa ba kaha ang mayor nga wa siya mogamit sa iyang inpluwensiya aron perming gawasnon si Joavan? Iya pa ba gihapong patuohon si Msgr. Binghay sa iyang mga bakak?
Pastilan, buot siguro ipalutaw sa mayor nga wa kinahanglana ang iyang inpluwensiya sa mga kontrobersiya sa iyang anak kay permi kining walay sala hinungdan nga permi usab kining gawasnon.
Tell it to the Marines, mayor.
