Editoryal: Umento sa suholan

Sunday, March 7, 2010

HUMOT ang isyu bahin sa pagpaumento sa suholan ngadto sa masa, 90 porsiyento sa mga botante, kapin kon kuwang.

Busa ang maong isyu haom nga dad-on sa kampanya alang sa eleksyon karong Mayo 10.

Have something to report? Tell us in text, photos or videos.

"The Manny Pacquiao Blog". Click here for stories and updates on the Filipino boxing champ.

Segurado nga mokabig kini dakong pagtagad sa mga botante apan, tataw usab nga mopakunot kini sa agtang sa mga magpapatigayon.

Ang mga dagkong partido wa gyud motuki sa isyu sa suholan isip kabahin sa ilang mga saad nga paghaw-as sa katawhan gikan sa kalisod.

Usa ka ‘tagong-sekreto’ sa pulitika diin ang magpapatigayon dako’g amot nga pundo sa kampanya sa nag-unang kandidato o partido.

Mosuporta sila sa nag-unang usa ngadto sa duha ka partido alang sa ilang interes sa negusyo.

Hinuon, mitumaw karon nga dunay mobalanse sa kampanya sa pagtuki sa mga isyu nga mapadaplin lang unta.

Ang mga partly-list group labi na sa mga mamumuo sama sa Trade Union Congress of the Philippines (TUCP) midala sa maong isyu.

Sumala sa TUCP, andam na sila sa pagduso og P100 nga umento karong tuiga alang sa Central Visayas.

Gipasabot sa TUCP nga wa moduso ang grupo og umento sa suholan sa miaging tungod sa pagsabot sa krisis ug karon nga mihinay sa pagbangon ang ekonomiya sa nasod, panahon usab sa pagpangayo og umento sa suholan sa mga mamumuo.

Di ba maayong pangampanya?