PANGULO sa Central Command (CENTCOM) nihagit sa mga militanting grupo nga ipamatuod ang ilang pasangil nga gi-salvage ang namatayng Sugbuanon nga giingong rebelde.

Kini samtang itunod na sa lubnganan si Reden Carpentero kinsa giingong napusilan sa encounter tali sa military sa Guihulngan, Negros Oriental.

Sun.Star accepts donations for victims of Typhoon Ondoy

Apan ang lawas ni Carpentero napalgan duha na ka adlaw human sa hitabo.

Apan gihimakak kini sa pangulo sa Central Command nga biktima sa salvage ang giingong napatayng rebelde.

Si Centcom Commander Lt. General Isagani Cachuela niingon nga ang military nagtamod sa International Humanitarian Law diin nagpahimangno kanila nga tahuron ang tawhanong katungod.

Encounter ang nahitabo. Gani usa sa ilang sakop ang nidangat sa tambalanan human nasamdi.

Gitataw ni Cachuela nga wa na sila mahibulong pa sa maong pamahayag gikan sa militanting grupo tungod kay mao man gayud kini ang ilang ipasangil sa military. 

Apan gihagit ni Cachuela ang si bisan kinsang grupo nga ipamatuod ang pasangil samtang andam silang moatubang sa bisan unsang imbestigasyon ilabi na sa Commission on Human Rights.