Enriquez delikadong di na kaduwa’g balik
Saturday, March 13, 2010
More Sections
DELIKADONG dili na makaduwa pagbalik ang pambatong pointguard sa M.Lhuillier Kwarta Padala-Cebu Niños nga si Woodrow Enriquez human nakompirmar nga naigo gyud ang iyang spinal column sa usa ka wala damhang insidente.
Naangol si Enriquez dihang natagak siya sa hinapos nga bahin sa 3rd quarter atol sa exhibition game sa Niños ug Alaska Aces niadtong Biyernes sa USC gym diin midaog ang Niños, 88-87.
Have something to report? Tell us in text, photos or videos.
"The Manny Pacquiao Blog". Click here for stories and updates on the Filipino boxing champ.
Nagkanayon si Niños coach Raul “Yayoy” Alcoseba nga padayon pang giobserbahan si Enriquez samtang nagpaalim kini sa Chong Hua Hospital.
“Recovering na man siya pero wala pa gyud mi kompletong detalye,” matod ni Alcoseba dihang gikahinabi ning mantalaan kagahapon sa hapon samtang nagpaingon ang Niños sa Bogo City alang sa laing exhibition game batok sa Aces.
Nanghinaot si Alcoseba nga dili ra gyud magrabihan ang usa sa iyang labing sinaligan.
Si Niños assistant coach Mike Reyes mikompirmar nga naigo gyud ang spinal column ni Enriquez hinungdan nga wala kini nakalihok dihang natagak.
“Sa ngayon, under observation pa lang si Woodrow. Ang alam ko, tinamaan yung spine niya. Yan lang ang masasabi namin,” matod ni Reyes, igsuon sa bantugang coach sa Talk N’ Text Phone Pals nga si Chot Reyes.
Si Enriquez, produkto sa Cebu Doctors College (unibersidad na sa pagkakaron) White Stallions, maoy MVP sa 2009 Liga Pilipinas.
