Estriktong polisiya batok drivers ipatuman
Tuesday, September 7, 2010
More Sections
MATAPOS na ang malipayong mga adlaw sa mapahimuslanong mga taxi driver sa pantalan sa dakbayan sa Sugbo.
Magpanginto na ang abusado nga mga driver nga mo-pick up og mga pasahero sa nagkadaiyang pantalan sa dakbayan sa Sugbo gumikan sa bag-ong kamanduan nga ipatuman.
Have something to report? Tell us in text, photos or videos.
Updates on President Benigno Aquino III's presidency
Gibutyag sa general manager sa Cebu Port Authority (CPA) Vicente Suazo Jr. kinsa bag-ong natudlo sa maong posisyon nga nakasugat sila og nagkadaiyang reklamo gikan sa mga pasahero nga gi-harass sa abusadong mga taxi driver.
Gipirmahan kagahapon ang memorandum of agreement (MOA) on the CPA Accreditation of Taxi tali sa CPA, Land Transportation, Franchising and Regulatory Board (LTFRB)7, Land Transportation Office (LTO)7 ug Cebu City Traffic Operations Management (Citom).
Tinguha sa maong mga ahensiya ang pagsumpo sa way disiplina nga mga drayber lakip na niadtong mo-overcharge sa plitehan ug sa pag-monitor usab niadtong naggamit og kolorum nga unit.
Nasayran nga matag ganghaan sa pantalan aduna nay queue lane o area alang sa accredited taxi unit.
Sa di pa mosakay ang mga pasahero ang CPA guard adunay itunol nga complaint slip sa pasahero.
Sa maong slip natala didto ang body name ug plate number sa taxi unit nga ilang luwanan.
Makita usab ang nagkadaiyang contact numbers sa buhatan diin ikapadangat ang ilang mga reklamo.
Si Citom Chairman Sylvan Jakosalem nagkanayon nga adunay sakop sa kapulisan nga ilang ipakatap sa nagkadaiyang pantalan sa siyudad.
Si Raul Aguilos, regional director sa LTO, niingon nga di sila magpanagana sa pagpahamtang og silot sa badlungon nga mga drayber ingon man ang pagpa-impound sa ilang mga taxi unit.
Nasayran nga adunay mga taxi drayber nga modani og mga pasahero diha sa pier nga i-kontrata nga di mogamit og meter ug sa higayon nga di magkasinabot pakanaugon ang pasahero sa dapit diin lisod ang sakyanan. (FVQ)
