Kevin A. Lagunda
Pagsabungan, Mandaue City

Kini na ang takna
Sa tanang takna
Nga di nako maluklok.

For updates from around the country, follow Sun.Star on Twitter

Karon na ang eksaminasyon
Nga akong gilikay-likayan
Apan bisan asa ko suksok
Iya gihapon kong matultolan.

Karon ang adlaw nga akong ipaubos
Ang akong pagkatawo
Sa sirkumsisyon sa kaalam.

Busa, agig am-am sa akong kaugalingon,
Nakigtupad ko ron sa kinabrayitan
Sa among klase. Way nakasaksi
Nga nagsige na ko og pasiplat
Sa iyang mga tubag. Nagngisi ko
Nga nag-sirkol sa mga letra.

Sa wa madugay mikuris-kuris
Sa akong hunahuna nga sa tanto nako
Og pangupya gikupya sab nako
Ang kaugmaon sa akong klasmet.