Ex-NBA player gipatay

Friday, July 30, 2010

MINNESOTA, USA - Drugas usab ang usa sa mga gisubay nga anggulo sa kapulisan sa Memphis kalabot sa pagpusil-patay kang ex-NBA Cleveland Cavaliers forward/center Lorenzen Wright nga napalgang wala nay kinabuhi nga naglunang sa kaugalingong dugo haduol sa kakahuyan sa apartment complex South Memphis City, Tennessee USA kagahapong adlawa.

Walay kasayuran hangtod karon ang kapulisan kung unsay motibo sa pagkutlo sa kinabuhi ni Wright.

Have something to report? Tell us in text, photos or videos.

Updates on President Benigno Aquino III's presidency

Apan sa inisyal nga nasayran nga si Wright mi-adto sa panimalay sa iyang kanhi asawa Sherra Wright aron pagbisita sa iyang mga anak niadtong Hulyo 18 apan kalit kini nga nawala hinungdan gipa-blotter sa iyang inahan ngadto sa kapulisan niadtong Hulyo 22.

Ang kapulisan mipalawom sa imbestigasyon pinaagi sa dental rekords uban sa pagsubay kon may kalambigitan ba sa pagkamatay ni Wright ang dakung kantidad nga salapi nga gidala niini nga halin sa duha ka sakyanan.

Gitan-aw usab karon kon duna bay mga tawo nga kauban niini atol sa pagbiya sa panimalay sa kanhi asawa.

Nasayran sa FBI nga niadtong 2008 mibaligya si Wright sa iyang 2008 Mercedes Benz S63 Sedan ug Cadillac Escalade SUV sa ginganla’g Bobby Cole nga nalambigit niadto’g pagpalusot sa mga drugas sa 2007

Ang 6-foot-11 nga Wright, 34 anyos, may unom ka mga anak, nakaduwa’g 13 ka seasons sa NBA ubos sa LA Clippers, Atlanta Hawks, Memphis Grizzlies, Sacramento Kings ug katapusang naduwaan ang Cleveland Cavaliers. (Daniel Quindao Guden- US Correspondent)