Floyd Jr. mas sayon lupigon
Tuesday, March 16, 2010
More Sections
WALA ra niagi si pound-for-pound champion og kalisod batok kang Joshua Clottey apan sa iyang tan-aw, mas sayon lupigon si Floyd Mayweather Jr.
Nagkanayon ang seven-time world champion nga ang estilo ni Mayweather sayon ra kaayong estudyohan kumpara sa estilo ni Clottey, kinsa iyang gibukbok sulod sa 12 ka rounds niadtong Dominggo sa Dallas Cowboys Stadium.
Have something to report? Tell us in text, photos or videos.
“His (Mayweather) style is not as difficult as Clottey’s. It’s easy to study,” matod ni Pacquiao sa interbyu sa www.abs-cbnnews.com.
Click here for Election 2010 updates
Nagkanayon si Pacquiao nga naglisod sab gyud siya pagbuak sa depensa ni Clottey. Matod niya nagpasukmag na lang sab siya og tuyo aron muabli ang depensa ni Clottey apan wala gyud nagpadala ang Ghanaian.
“Ayaw sumuntok eh, kaya nagpapasuntok na din ako, para bumukas,” matod ni Pacquiao.
Nagtuo ang pambansang kamao nga susama sab ang iyang masugatan batok kang Mayweather, kinsa naila sab sa iyang depensa, apan iyang giklaro nga mas kaya niyang buakon ang depensa sa Amerikano.
Ang American trainer ni Pacquiao nga si Freddie Roach nihagit kang Mayweather nga suklan si Pacquiao.
“Floyd, come to the ring and fight us,” batbat pa ni Roach.
Matod ni Pacquiao nga andam siyang makigharong kang Mayweather bisan kanus-a basta ang boxing commission lang gyud maoy magdektar kabahin sa patakaran sa drug testing ug dili ang kampo ni Mayweather.
Mayweather wa nakadayeg
Wala nakadayeg si Floyd Mayweather Jr. sa gipakitang away sa seven-time world champion ug WBA welterweight king batok kang Clottey niadtong Dominggo sa Dallas Cowboys Stadium.
Gipasabot ni Mayweather nga pulos ra gyud opensa si Pacquiao ug wala gyud kini depensa.
Nagkanayon si Mayweather nga ang estilo ni Pacquiao dili gyud makalahutay sa sama kaniya nga usa ka makuyawng counter puncher.
“Personally, I think Pacquiao got exposed in that fight for being one-dimensional. You can have all [the] offence ability in the world but with no defense you’re not going to last long against a good counter puncher such as myself,” matod ni Mayweather sa interbyu sa www.examiner.com.
